Լրահոս
Օրվա լրահոսը

Պահակայինի պետը ենթականերին հրահանգել է «ձայներ» բերել

Սեպտեմբեր 01,2015 12:04

Օգոստոսի 26-ին ոստիկանության Իջեւանի պահակային ծառայության պետ Գագիկ Գրիգորյանը աշխատանքի վայրում հավաքել է իր ենթակա ոստիկաններին եւ հրահանգել, որ նրանք սեպտեմբերի 13-ին կայանալիք Իջեւանի քաղաքապետի ընտրություններում «ձայն» բերեն հօգուտ քաղաքապետի թեկնածու, անշարժ գույքի կադաստրի Տավուշի մարզային ստորաբաժանման պետ Վարուժան Ներսիսյանի:

Ժողովի մասնակիցներին թերթիկներ են տրվել, որպեսզի նրանք լրացնեն այն անձանց տվյալները, ովքեր կողմ են քվեարկելու Վ. Ներսիսյանին: Այդ թերթիկի օրինակը մեզ է հանձնել ժողովի մասնակիցներից մեկը:

Գագիկ Գրիգորյանն ասել է, որ Իջեւանի քաղաքապետ Վարդան Ղալումյանը իրենց ծառայության հետ չի համագործակցում:

Պահակային ծառայության որոշ աշխատակիցներ ասել են, որ իրենք ոչ թե Իջեւանի, այլ տարածաշրջանի գյուղերի բնակիչներ են: Սակայն Գ. Գրիգորյանը նրանց եւս հանձնարարել է Վ. Ներսիսյանի օգտին «ձայներ» բերել:

Նշենք, որ Գագիկ Գրիգորյանի քույրը՝ Նարինեն նախկինում եղել է Իջեւանի ավագանու անդամ,միշտ քվեարկությամբ սատարել Վարուժան Ներսիսյանին: Գ. Գրիգորյանի մյուս քույրը՝ Մարինեն նախկինում, Վարուժան Ներսիսյանի քաղաքապետ աշխատելու ժամանակ, աշխատել է Իջեւանի քաղաքապետարանում:

Հավելենք, որ օրենքը իրավապահ համակարգի աշխատողներին, այդ թվում ոստիկաններին, արգելում է զբաղվել քաղաքական գործունեությամբ: Ակնկալում ենք ՀՀ ոստիկանության պարզաբանումը:

Ոսկան ՍԱՐԳՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Սեպտեմբեր 2015
Երկ Երե Չոր Հնգ Ուրբ Շաբ Կիր
« Օգո   Հոկ »
 123456
78910111213
14151617181920
21222324252627
282930