Վալերի Օսիպյանի խոսքերով՝ մյուսը ավելի ուշ է բերման ենթարկվել, այդ պատճառով դեռ ազատ չի արձակվել
Ինչպես արդեն տեղեկացրել էինք ոստիկանությունը տեղեկացրել էր Բաղրամյան պողոտայում բողոքի ակցիա կատարող ցուցարարներին, որ իրենց բերման ենթարկված գաղափարակից ընկերները ազատ կարձակվեն 20:20-ին:
Երբ նշված ժամանակը լրացավ «Ոչ թալանին» նախաձեռնության անդամ Արթուր Քոչարյանը խնդրեց ոստիկանությանը բացատրել, թե որոնք են պատճառները: Երեւանի փոխոստիկանապետ Վալերի Օսիպյանն ասաց, որ բերման ենթարկվածներից երեքն արդեն գրեթե տաս րոպե ազատ են արձակվել, իսկ երկուսը ազատ կարձակվեն մի քանի րոպեից:
Այնուհետեւ լրագրողների հետ զրույցում Վալերի Օսիպյանը հայտարարեց, որ 6 բերման ենթարկվածներից 5-ը ազատ են արձակվել, իսկ մյուսը ավելի ուշ է բերման ենթարկվել, այդ պատճառով դեռ ազատ չի արձակվել:
Կարդացեք նաև
Ցուցարարները պնդում էին, որ վերջին 6-րդ բերման ենթարկվածն անչափահաս է, Վալերի Օսիպյանը չկարողացավ հաստատել կամ ժխտել այդ տեղեկությունը:
Հիշեցնենք՝ Բաղրամյան պողոտայում լարված իրավիճակ էր: Բերման են ենթարկվել «Ոչ թալանին» նախաձեռնության 6 անդամներ, այդ թվում նաեւ Մաքսիմ Սարգսյանը եւ Արտուշ Չիբուխչյանը:
Ամի ՉԻՉԱԿՅԱՆ
