Ռոբերտ Քոչարյանն ուժե՞ղ ընդդիմություն կլինի, եթե պայքարի սահմանադրական փոփոխությունների դեմ: Այսօր լրագրողների այս հարցին ԱԺ նախագահ Գալուստ Սահակյանը պատասխանեց. «Որպես պատմական դեմք բավականին ուժեղ է, բայց քաղաքացիական հասարակության կամ որպես քաղաքական դաշտում…ուժեղներն ունենում են ուժեղ թիմ»:
Դիտարկմանը, որ հարցազրույցներից մեկում Քոչարյանն ակնարկում է, որ ՀՀԿ-ականներն էլ կարող է անցնեն իր կողմը՝ Գալուստ Սահակյանը պատասխանեց. «Ես չգիտեմ՝ լամ, թե ցավամ: Բոլորը կապում են իրենց հզորությունը եւ թուլությունը ՀՀԿ-ի հետ»:
Լրագրողների դիտարկմանը, որ Ռոբերտ Քոչարյանի վերադարձը նաեւ դիտարկվում է որպես ռազմավարական քայլ՝ հօգուտ Սերժ Սարգսյանի՝ Գալուստ Սահակյանը պատասխանեց. «Երբեք Ռոբերտ Քոչարյանը չի ասում, որ վերադառնում է, երբեք չեմ էլ մտածում, որ գնացել է: Նա հարցազրույցներում երբեմն-երբեմն իր կարծիքն է արտահայտում, ինչպես դուք կարող եք յուրաքանչյուրդ ձեր կարծիքն արտահայտել: Քաղաքական պրոցեսներին միջամտել, գործողությունների ծրագրեր ներկայացնել՝ այդ իմաստով դեռեւս երկրորդ նախագահը երբեք քայլեր չի կատարել»:
Հռիփսիմե ՋԵԲԵՋՅԱՆ
