Լրահոս
Օրվա լրահոսը

Ռուսաստանում հայ տղամարդն ընկել է գնացքի տակ. նրա ոտքը կտրվել է. MK

Սեպտեմբեր 04,2015 17:19

Օրերս Լիպեցկի երկաթգծում սարսափելի պատահար է տեղի ունեցել: Հայաստանի քաղաքացի մի տղամարդ, չհասցնելով ցատկել գնացքի վագոնի մեջ, ընկել է երկաթգծերի վրա: Այդ պահին տեղից շարժվող գնացքը կտրել է տղամարդու ոտքը: «Московский Комсомолец»-ի փոխանցմամբ՝ 47-ամյա տղամարդու կյանքը հաջողվել է փրկել:

Հաղորդվում է, որ հայ տղամարդն այդ գնացքի տոմս չի ունեցել եւ ցանկացել է անվճար երթեւեկել մինչեւ ծովը: Այդ պատճառով նա սպասել է մինչեւ գնացքը շարժվի տեղից եւ փորձել է ցատկել վագոնի մեջ: Դժբախտ պատահականությամբ նրա ձեռքերը սայթաքել են, չի կարողացել բռնված մնալ վագոնից եւ ընկել է գնացքի տակ:

Գնացքի հեռանալուց հետո տղամարդուն գտել են պարեկապահակային ծառայության աշխատակիցները: Դոնի Ռոստով կամ Նովոռոսիսկ գալու փոխարեն, հայ տղամարդը հայտնվել է Լիպեցկի հիվանդանոցում: Գնացքը հայտնաբերել են Վորոնեժում: Քննությունը շարունակվում է:

Սակայն այս պահին քննիչները որպես հիմնական վարկած են նախընտրել դժբախտ պատահարը: Դեռ չի հաջողվել պարզել ուղեկցողների եւ վարորդների մեղքը: Տեղի ունեցածի մասին նրանք իմացել են իրավապահներից:

Պատրաստեց Աշոտ ԻՍՐԱԵԼՅԱՆԸ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Սեպտեմբեր 2015
Երկ Երե Չոր Հնգ Ուրբ Շաբ Կիր
« Օգո   Հոկ »
 123456
78910111213
14151617181920
21222324252627
282930