Մոնրեալաբնակ երաժիշտ, երգահան Պետրոս Շուժունյանի «Պատարագ և Հոգեհանգիստ 2015» ստեղծագործությունը նվիրված 1915թ.-ի Մեծ եղեռնի զոհերի հիշատակին առաջին անգամ կսփռվի www.sourphagop.net կայքի միջով: Սուրբ պատարագը հնարավոր կլինի դիտել Երևանի ժամանակով սեպտեմբերի 12-ին երեկոյան ժամը 7:30:
Ցեղասպանության 100-ամյակին ձոնված այս ստեղծագործության վրա հեղինակը աշխատել է շուրջ հինգ տարի:
«Այսպիսի մեծ տարողությամբ երգչախմբային գործ հայկական երաժշտության մեջ առաջինն է: Գործը կատարվելու համար հարկավոր էր մեծաթիվ երգչախումբ, որովհետև ստեղծագործությունում մինչև 8 ձայնի բաժանում և երկար տևողություններով պահվող նոտաներ կային»,- ասում է երաժիշտ, երգահան Պետրոս Շուժունյանը՝ նշելով, որ ստեղծագործությունը կատարող երգչախումբը Մոնրեալի «Սենթ Լորենս» երգչախումբն է, որը բաղկացած է մոտ 100 կանադացի երգիչներից: Թեև երգչախմբի մեջ հայ չկա, սակայն չորս մենակատարներից երեքը հայ են: Երգչախմբի ղեկավարը՝ Ֆիլիփ Բուրքը, երիտասարդ տաղանդավոր ֆրասնիացի է, ով կարողացել է ընդամենը երկու ամսում տիրապետել հայերենի հնչյունաբանությանը, որպեսզի ստեղծագործությունը ճիշտ հնչի:
« Իր ստեղծագործական ոճի մեջ այս ստեղծագործությունը բոլորովին տարբեր է թե’ Կոմիտասից և թե’ Եկմալյանից, սակայն այս երաժշտության հիմքը մեր շարականներն են, որպես ներշնչում»,- ասում է «Պատարագ և Հոգեհանգիստ 2015» ստեղծագործության հեղինակ, երաժիշտ, երգահան Պետրոս Շուժունյանը:
Կարդացեք նաև
Նրա խոսքով՝ սա Հայաստանից դուրս Ցեղասպանության 100-ամյակին ձոնված միակ ստեղծագործությունն է, որ հինգ տարվա աշխատանք է պարփակել և եզակի է իր լայնածավալությամբ և տարողությամբ:
Հեղինակի մասին
Մոնրեալաբնակ երաժիշտ, երգահան Պետրոս Շուժունյանն շուրջ 50 տարի երաժշտության ոլորտում է:
Պետրոս Շուժունյանը ծնվել է 1957 թ.-ին Գյումրիում: Ավարտել է Կոմիտասի անվան երաժշտական դպրոցը, այնուհետև ընդունվել է Կարա-Մուրզայի անվան երաժշտական ուսումնարանը, ստեղծագործության և ջութակի դասարան, այնուհետև 3-րդ կուրսից մեկնել է Կանադա: 1976 թ.-ին Պ. Շուժունյանը ընդունվել է Մոնրեալի պետական կոնսերվատորիա և ուսանել կանադացի հայտնի երգահան Ժիլ Թրամբլեյի դասարանում: Պ. Շուժունյանը սկսել է ստեղծագործել վաղ երիտասարդ տարիներից: Նա հեղինակ է 100-ից ավելի ստեղծագործությունների, այդ թվում՝ «Արարատ պոեմ» սիմֆոնիկը, «Կոմիտասին», «Սայաթ-Նովա» հարվածային համերգային փունջը, 6 լարային քառյակ՝ ներշնչված հայ շարականներից, «Մաշտոց» զույգ դաշնամուրային գործը, «Երեք մինիատյուր» գրված լարային քառյակի համար և այլն:
Երաժիշտ, երգահան Պետրոս Շուժունյանի և նրա ստեղծագործություններին առավել մանրամասն կարող եք ծանոթանալ նրա ինտերնետային կայքու:
«Պատարագ և Հոգեհանգիստ 2015» ստեղծագործությունը նվիրված 1915թ.-ի Մեծ եղեռնի զոհերի հիշատակին, որը տեղի է ունեցել ապրիլի 11-ին, առաջին անգամ կհեռարձակվի ինտերնետով՝ www.sourphagop.net կայքում սեպտեմբերի 12-ին երեկոյան ժամը 7:30:
Բազմիցս ծաղրվեց ու քննադատվեց այն անգևագետ արտահայտությունը, որ չի կարելի ասել ցեղասպանության 100-ամյակ: Մի հատ տորթ թխեք, վրան 100 մոմ դրեք ու փչեք: 100 ամյա տարելից պետք է գրել: Ինչքա՞ն ասենք:
Սիրելի Մանե,
Այդ ամբողջ նյութի մեջ ուրիշ ոչ մի լավ բան չկար՞, չեմ կարծում եթե հասկացել ես թե ինչի մասին է ընդհանուր նյութը այդ հոդվածում, դրա համար էլ լուրջ չեմ ՀԱՄԱՐՈՒՄ քո չա կերտված կարծիքը: