Լրահոս
Օրվա լրահոսը

Բռնացրել են ընտրատեղամասի մոտ ընտրողին փող բաժանելիս

Սեպտեմբեր 13,2015 14:55

Այսօր Արագածոտնի,Արմավիրի, Գեղարքունիքի, Լոռու Կոտայքի, Շիրակի, Սյունիքի, Վայոց ձորի եւ Տավուշի մարզերի 22 համայնքներում տեղական ինքնակառավարման մարմինների ընտրություններ են:

Շիրակի մարզի Մարալիկում քաղաքապետի պաշտոնի համար պայքարում են ՀՀԿ-ն ու ԲՀԿ-ն: Իշխող կուսակցությունը ներկայացրել է գործող քաղաքապետի՝ Արտակ Գեւորգյանի թեկնածությունը, իսկ ԲՀԿ-ն առաջադրել է Մարալիկի քաղաքապետարանի տեսուչ Արտակ Ավդալյանին:

Տավուշի մարզի Իջեւան քաղաքում քաղաքապետի պաշտոնի համար իրար դեմ են դուրս եկել երկու ՀՀԿ-ական՝ գործող քաղաքապետ Վարդան Ղալումյանը եւ Տավուշի կադաստրի պետ Վարուժան Ներսիսյանը, որին չի սատարել հարազատ կուսակցությունը, ինքնառաջադրվել է: Ընդ որում, թեկնածուների թիվը սկզբում 3-ն է եղել, երեքն էլ՝ ՀՀԿ-ական: «Նիկարմ» ֆուտբոլային ակումբի ղեկավար, ՀՀԿ-ական Արմեն Խաչատրյանը սկզբում ինքնառաջադրվել է, հետո հետ է վերցրել փաստաթղթերը:

Դիտորդական կազմակերպություններից մեկը՝ Թրանսփարենսի ինթերնեշնլ հահակոռուպցիոն կենտրոնը, Իջեւանի ընտրատեղամասերից մեկում արդեն խախտումներ է արձանագրել:

41/2 տեղամասում ժամը 10:10-ի սահմաններում դիտորդը նկատել է, որ անձը չպարզված տղամարդը ընտրատեղամասի մուտքի մոտ փող է փոխանցել ընտրատեղամասից դուրս եկող կնոջը: Այնուհետեւ, տեսնելով, որ իրենց նկատել են լրագրողը եւ դիտորդը, նրանք տեղափոխվել են 50 մետր այն կողմ:

Հռիփսիմե ՋԵԲԵՋՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Սեպտեմբեր 2015
Երկ Երե Չոր Հնգ Ուրբ Շաբ Կիր
« Օգո   Հոկ »
 123456
78910111213
14151617181920
21222324252627
282930