Լրահոս
Օրվա լրահոսը

Ինչո՞ւ Թեւան Պողոսյանը ՀՀԿ-ի մասին իր քննադատությունը Սերժ Սարգսյանին չի ասել

Սեպտեմբեր 20,2015 21:40

Ազգային ժողովում Սահմանադրական փոփոխությունների նախագծի քննարկման ժամանակ իր ելույթում Ժառանգություն խմբակցության պատգամավոր Թեւան Պողոսյանը հարց ուղղեց ՀՀԿ-ականներին. «Եթե 2012-ի ընտրությունները համարում եք իրական, ինչո՞ւ այսօրվա քաղաքական օրակարգը արտացոլված չէր այնտեղ եւ արդյո՞ք ձեր կուսակցությունը հանրային քվե է ստացել Սահմանադրական բարեփոխումներ իրականացնելու համար: Պարզ է, որ ոչ»:

Դրանից հետո Թեւան Պողոսյանը ընդունել էր նախագահ Սերժ Սարգսյանի հրավերը եւ այցելել Բաղրամյան 26:

Սեպտեմբերի 20-ին Aravot.am-ը պարոն Պողոսյանից հետաքրքրվեց՝ Դուք այդ հարցերը Սերժ Սարգսյանի մոտ բարձրացրեցի՞ք, հարցրեցի՞ք, թե նրա կուսակցությունը հանրային քվե ստացե՞լ է, որ Սահմանադրական բարեփոխումներ է անում:

Նա պատասխանեց. «Մենք այդ հարցերը նախագահի հետ չէինք քննարկում: Ես գնացել էի՝ որպես քաղաքացիական հասարակության ներկայացուցիչ-պատգամավոր, որը կուսակցական չի: Բարձրաձայնեցի քաղաքացիական հասարակության զարգացման միտված խնդիրները, հատկապես՝ ֆինանսական մեխանիզմների ապագան, որոնք թույլ կտան իրենց կայունությունն ու հարատեւությունը ապահովել: Մնացած հարցերը քաղաքական են: Ես ուզում էի հարցնել՝ եթե դուք հավատում եք, որ ձեր բարձրացրած քայլերն իրական են, ապա ինչո՞ւ մինչեւ հանրաքվե շատ հարցեր չեք լուծում»:

Մենք նաեւ հարցրեցինք ՝ԱԺ-ում Ձեր ելույթում Դուք խոսում էիք ՀՀԿ-ի վերարտադրման մասին, Սերժ Սարգսյանին այդ մասին ասացի՞ք եւ ի՞նչ պատասխանեց: Թեւան Պողոսյանն ասաց, որ վերարտադրման մասին խոսել է, իսկ Սերժ Սարգսյանի արձագանքի մասին հետեւյալն ասաց. «Ի՞նչ պետք է ասեր, հիմա մանրամասներ չեմ պատմելու: Ասաց, որ արժեւորում են այս գաղափարները եւ եթե հիմա չանեն, երկիրը հետ է գնալու: Շատ բան են ասում, տեսնենք իրենց գործողությունները»:

Հռիփսիմե ՋԵԲԵՋՅԱՆ

 

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Ամենաընթերցված

Օրացույց
Սեպտեմբեր 2015
Երկ Երե Չոր Հնգ Ուրբ Շաբ Կիր
« Օգո   Հոկ »
 123456
78910111213
14151617181920
21222324252627
282930