Լրահոս
Օրվա լրահոսը

Ֆիլմերի անվճար ցուցադրություն՝«Մոսկվա» կինոթատրոնում

Սեպտեմբեր 28,2015 22:30

Այսօրվանից եւ հինգ օր շարունակ մեծ էկրանին արգենտինական ֆիլմեր կցուցադրվեն: Մեկնարկել է արգենտինյան ֆիլմերի 4-րդ փառատոնը:

Ցուցադրվելու է հինգ ֆիլմ, որից երեքը հայերեն ենթագրերով են լինելու, նախորդ փառատոներին նման հնարավորություն չի եղել:

«Փեսացու կնոջս համար» կատակերգությունը փառատոնի շրջանակում ցուցադրվող առաջին ֆիլմն էր, վաղը կցուցադրվի «Անիսետո» երաժշտական մելոդրաման, փառատոնի Երրորդ օրը՝«Իմ առաջին հարսանիքը» կատակերգություն մելոդրաման:

Ի դեպ, գլխավոր հերոսուհին է հայ լսարանի սերիալներից հայտնի Նատալիա Օրերիոն է: Հոկտեմբերի 1-ին ցուցադրվելու է «Ինը թագուհիները», հոկտեմբերի 2-ին՝ օսկարակիր ռեժիսոր Խուան Խոսե Կամպանելլայի «Մետեգոլ» անիմացիոն ֆիլմը:

Հայաստանում Արգենտինայի արտակարգ և լիազոր դեսպան Գոնսալո Ուռիոլաբեիտան ասաց, որ շահագրգռված են, որ արգենտինական մշակույթը տարածում գտնի Հայաստանում:

Բացի կինոյի փառատոնից, առաջիկայում «Տանգետտո» խումբը ելույթ է ունենալու Երևանում:

Արփինե ՍԻՄՈՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Սեպտեմբեր 2015
Երկ Երե Չոր Հնգ Ուրբ Շաբ Կիր
« Օգո   Հոկ »
 123456
78910111213
14151617181920
21222324252627
282930