Ազգային ժողովի պաշտպանության, ազգային անվտանգության եւ ներքին գործերի հանձնաժողովը երեկ դռնփակ քննարկում էր անցկացնում ԱԺ-ում։
Մոտ 1 ժամ տեւած քննարկումից հետո մի քանի հարց ուղղեցինք հանձնաժողովի նախագահ Կորյուն Նահապետյանին։
– Պարոն Նահապետյան, ի՞նչ եք քննարկել այսօրվա փակ նիստում։
– Քննարկվել են հայ-ադրբեջանական պետական սահմանի եւ ղարաբաղա-ադրբեջանական հակամարտ զորքերի շփման գծում հրադադարի ռեժիմի խախտման ու իրադրության լարման հետ կապված հարցեր։
Կարդացեք նաև
– Ինչպե՞ս եք գնահատում սահմանին տիրող լարվածությունը։
– Հակառակորդը դիմում է սադրիչ գործողությունների։ Աննախադեպ էր Դ-30 հաուբից հրանոթի կիրառումը ադրբեջանական կողմից։ 1994թ. հաստատված զինադադարից հետո առաջին անգամ է, որ նման զենք է կիրառվում։ Կան բազմաթիվ գործոններ, որոնք վկայում են, որ հակառակորդը գնալու է նոր սրացումների։ Դա նշանակում է, որ մենք միշտ պատրաստ պետք է լինենք ու զսպենք հակառակորդի սադրիչ ու լկտի պահվածքը։ Այդ մասին հայտարարվել է ամենաբարձր մակարդակով, ու այսօր զինված ուժերը կատարում են հենց այդ առաջադրանքը, որը տրվել է երկրի ղեկավարի կողմից։
Մկրտիչ ԿԱՐԱՊԵՏՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
