Լրահոս
Օրվա լրահոսը

Ալեքսանդր Ամարյան. «Նոր Սահմանադրությամբ կրոնական կառույցներին արտոնություններ են տրվում» (Տեսանյութ) 

Սեպտեմբեր 30,2015 13:59

Սահմանադրության փոփոխված նախագծի 40 հոդվածի 4-րդ կետը սահմանում է, որ Հայաստանում գործող կրոնական կազմակերպությունները իրավահավասար են եւ օժտված են ինքնավարությամբ, իսկ դրանց գործունեությունը կարգավորվում է օրենքով: «Դրանց մեջ մտնում է նաեւ Հայ առաքելական եկեղեցին, որը սակայն չի կարող լինել կրոնական կառույցներին  իրավահավասար: Հակասություն է առաջանում, քանի որ 17-րդ հոդվածով էլ Հայաստանյաց առաքելական եկեղեցին ճանաչվում է որպես ազգային եկեղեցի եւ հայ ժողովրդի համար օժտված է բացառիկ ազդեցությամբ: Միաժամանակ, Հայ եկեղեցու դերը եւ արտոնությունները չեն նվազեցվում»,-այսօր լրագրողների հետ զրույցում ասաց Քայքայիչ պաշտամունքից տուժածների օգնության եւ վերականգնողական կենտրոնի ղեկավար Ալեքսանդր Ամարյանը:

Նա նշեց, որ գործող Սահմանադրությունը եւս  կրոնական կառույցներին արտոնություններ է տալիս, միաժամանակ՝ որոշակի հստակեցումներ մտցնում, հետեւաբար՝ հնարավոր կլինի օրինազանց կրոնական կառույցներին պատժել:

Փորձագետի խոսքով՝ նոր Սահմանադրությամբ կրոնական կառույցներն անջատ են պետությունից,  այսինքն՝ պետություն են պետության մեջ, ինչն արդեն իսկ արտոնություն է. «Նախագիծը սահմանափակում է կրոնական կառույցների որոշ իրավունքներ, եթե կփորձեն ներազդել մարդու հոգեկան եւ ֆիզիկական առողջության վրա: Բացի այդ, կրոնական կառույցի անդամը սեփական դիմումի համաձայն պարտադիր զինվորական ծառայությունը այընտրանքային ծառայությամբ փոխարինելու իրավունք ունի: Մեկ այլ կետ սահմանում է, որ ոչ մի ծնող չի կարող միակողմանի որոշմամբ երեխային մասնակից դարձնել կրոնական հավաքի եւ քարոզի»,-տեղեկացրեց Ալեքսանդր Ամարյանը:

Նա նաեւ նշեց, որ Մայր օրենքի նոր նախագիծը եւս չի սահմանում «հոգեւորսություն» տերմինը եւ դրա կիրառման դեպքում ենթադրվող պատիժը:

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Սեպտեմբեր 2015
Երկ Երե Չոր Հնգ Ուրբ Շաբ Կիր
« Օգո   Հոկ »
 123456
78910111213
14151617181920
21222324252627
282930