Լրահոս
Օրվա լրահոսը

Դերասանը՝ սփյուռքահային. «Ուզում եմ՝ հայ ըլլալը կայֆ լինի, ոչ թե գոյապայքար»

Սեպտեմբեր 30,2015 18:30

«Loft» ինքնազարգացման եւ ժամանցի կենտրոնում այսօր կազմակերպված հանդիպման ժամանակ ՀՀ ժողովրդական արտիստ Հրանտ Թոխատյանն անդրադարձավ իր հասցեին հնչող քննադատություններին: Ասաց, որ կարող է ընդունել եւ քննարկել այն քննադատությունները, որոնք վերաբերում են իր անձին կամ քաղաքացիական ինչ-ինչ դիրքորոշմանը. «Այն քննադատությունը, որը վերաբերում է մասնագիտությանս, չեմ ընդունում, որովհետեւ չկա մեկը, որը ինձ հետ հավասարազոր կարող է քննադատել: Չեմ թաքցնում, որ կոմերցիոն թատրոն եմ ներկայացնում: Այո, դերասանը պետք է  լավ ապրի, կուշտ լինի,  ոչ թե աչքերում մատնաքաշեր: Ինստիտուտներում սովորեցնում են, թե դերասանը պետք է աղքատ լինի, կարող եք ասել՝ ինչո՞ւ…Արվեստագետը կարող է լավ ապրել եւ բիզնես կառուցել: Ես թատրոն եմ կառուցում, դպրոց կբացեմ եւ երեխաներին կփոխանցեմ այն, ինչ ես որդեգրել եմ»,-ասաց նա:

Թոխատյանը նշեց, որ այդ ամենն իրականացնելու է առանց բեմին «դավաճանելու», քանի որ բեմը կնոջ պես է. «Բեմում էլ կարելի է այնպիսի գործունեություն ծավալել, որ ամեն ինչ լավ լինի եւ երբեք չմտածես կողքից մի հատ էլ պեռաշկիանոց ունենալու մասին: Մեռնեմ՝ Երեւանից չեմ գնա, սիրում եմ քաղաքը: Մինչդեռ մարդանմաններն են այնպես անում, որ չսիրենք այն»: Դերասանի խոսքով. «Եթե այսօրվա երիտասարդը, որի աչքերում «պրոտեստ» կա, օրը սկսի ժպիտով, տասը տարի հետո այնպիսի երկիր կունենանք, որ բոլորը կասեն՝ ո՜ւխ…»:

Հանդիպման վերջում, արձագանքելով սփյուռքահայ երիտասարդի նկատառմանը՝ Հրանտ Թոխատյանն ասաց. «Ուզում եմ, որ հայ ըլլալը կայֆ լինի, ոչ թե գոյապայքար»:

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Սեպտեմբեր 2015
Երկ Երե Չոր Հնգ Ուրբ Շաբ Կիր
« Օգո   Հոկ »
 123456
78910111213
14151617181920
21222324252627
282930