Լրահոս
Օրվա լրահոսը

Հայ եւ գերմանացի գիտնականների ձեռքբերումը եզակի՝ «Արեալ» արագացուցչի գործարկումն է (Տեսանյութ) 

Հոկտեմբեր 05,2015 10:45

Գիտության պետական կոմիտեի, ԵՊՀ-ի և Գերմանիայի կրթության և հետազոտությունների դաշնային նախարարության նախաձեռնությամբ` Երևանի պետական համալսարանում սկսվեց «Հայ-գերմանական գիտության օր» միջոցառումը, որին մասնակցում են նշյալ նախարարության պատվիրակության անդամները:

Ինչպես փաստեց ՀՀ ԿԳՆ գիտության պետական կոմիտեի նախագահ Սամվել Հարությունյանը, հայ-գերմանական գիտական կապերը զարգացել են հատկապես վերջին տարիներին. «Մեծացել է համատեղ հետազոտությունների եւ տպագրվող նյութերի թիվը: Հայաստանում իրականացվող ծրագրերից մեկի՝ «Քենդել»-ի առաջին փուլն իրականություն է. գործարկվեց տարածաշրջանում համարժեքը չունեցող «Ալիալ» գիտահետազոտական գծային արագացուցիչը»:

EPH_1

ԵՊՀ ռեկտոր Արամ Սիմոնյանը նշեց, որ կրթության եւ հետազոտությունների ոլորտում գերմանական կառույցների հետ գործակցությունը արժևորվում է հայաստանյան պատասխանատուների կողմից: «Գերմանիան կրթության գերազանց ծառայություններ մատուցելու դարավոր ավանդույթներ ունեցող երկիր է, որն աշխարհի շատ երկրների, այդ թվում՝ Հայաստանի գիտակրթական հանրույթի համար բազմաթիվ ծրագրերի միջոցով ստեղծում է համաշխարհային գիտական տարածքին ինտեգրվելու հնարավորություն»,-հավելեց ռեկտորը:

Նշենք, որ «Հայ-գերմանական գիտության օր»-ը ԵՊՀ-ում կշարունակվի նաեւ վաղը:

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հոկտեմբեր 2015
Երկ Երե Չոր Հնգ Ուրբ Շաբ Կիր
« Սեպ   Նոյ »
 1234
567891011
12131415161718
19202122232425
262728293031