Թուրքիայի նախագահ Ռեջեփ Թայիփ Էրդողանը սպառնացել է, որ Ռուսաստանի եւ իր երկրի հարաբերությունները կարող են վատանալ այն բանից հետո, երբ օրերս ռուսական կործանիչը խախտել է Թուրքիայի օդային տարածքը:
«Andaolu»-ի փոխանցմամբ՝ այսօր Բրյուսելում Բելգիայի վարչապետ Շարլ Միշելի հետ համատեղ մամուլի ասուլիսի ընթացքում Էրդողանը նաեւ հայտարարել է. «Եթե Ռուսաստանը Թուրքիայի նման ընկերոջը կորցնի, որի հետ նա շատ բիզնեսներ ունի, նա շատ բան կկորցնի»:
Թուրքիան եւ Ռուսաստանն ամուր տնտեսական հարաբերություններ ունեն, որոնք վատթարացել են վերջին ամիսներին: Պատճառը Սիրիայի հարցում տարբեր մոտեցումներն են ու Մոսկվայի աջակցությունը Սիրիայի նախագահ Բաշար ալ Ասադին:
Պարբերականը հիշեցրել է, որ Էրդողանի այս հայտարարությունը նախորդել է ՆԱՏՕ-ի գլխավոր քարտուղար Յենս Ստոլտենբերգի զրույցը լրագրողների հետ, որի ընթացքում վերջինս ասել էր, թե Ռուսաստանի կողմից Թուրքիայի օդային սահմանը խախտելը պատահականություն չէ: «ՆԱՏՕ-ն այս հարցի դեմ դիրքորոշում է որդեգրել եւ ես հավատում եմ, որ նա կշարունակի դեմ լինել, որովհետեւ Թուրքիայի վրա հարձակումը նաեւ հարձակում է ՆԱՏՕ-ի դեմ»:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
