Լրահոս
Օրվա լրահոսը

Մայրաքաղաքի համար 192 հիմնական դպրոցն անվանակոչվել է Խորհրդային Միության լեգենդար հայ հետախույզ Գևորգ Վարդանյանի անունով

Հոկտեմբեր 07,2015 16:28

Երևանի քաղաքապետ Տարոն Մարգարյանը ՀՀ առաջին տիկին Ռիտա Սարգսյանի և բազմաթիվ հյուրերի հետ միասին ներկա է գտնվել մայրաքաղաքի համար 192 հիմնական դպրոցի անվանակոչման հանդիսավոր արարողությանը, որն այսուհետ կկրի Խորհրդային Միության լեգենդար հայ հետախույզ Գևորգ Վարդանյանի անունը։ Միջոցառմանը մասնակցել է նաև լեգենդար հետախույզի կինը՝ Գոհար Վարդանյանը, ով իր շնորհակալությունը փոխանցելով նախաձեռնողներին ու այն իրագործողներին, կրթօջախում սովորող աշակերտներին խորհուրդ է տվել լինել աշխատասեր, պատասխանատու, նվիրված ու հայրենասեր: Ներկաներին ուղղված ողջույնի իր խոսքում Երևանի քաղաքապետարանի հանրակրթության վարչության պետ Գայանե Սողոմոնյանն իր հերթին նկատել է, որ իրականում մեծ պատիվ է կրթվել ու դաստիարակվել Գևորգ Վարդանյանի անունը կրող դպրոցում, ում կենսագրությունն արդեն իսկ մեծ խորհուրդ է բոլորի ու հատկապես մատաղ սերնդի համար:

«Մենք հպարտանալու մեծ առիթ ունենք, որովհետև Սովետական Միությունում հայազգի լեգենդար հետախույզն առաջիններից մեկն է եղել, որը պարգևատրվել է Սովետական Միության հերոսի կոչումով: Իրավամբ մեզ համար այսօր տոն է, և Երևանի քաղաքապետ Տարոն Մարգարյանը, հարգելով Գևորգ Վարդանյանի գործընկերների, մերձավորների, հարազատների, ինչպես նաև համար 192 հիմնական դպրոցի մանկավարժական ու ծնողական համայնքի խնդրանք-առաջարկը, կայացրեց այս որոշումն ու դպրոցի անվանակոչման հարցն ընդգրկվեց Երևանի ավագանու նիստի օրակարգում»,- նշել է Գայանե Սողոմոնյանը:

Հանդիսավոր արարողության շրջանակում դպրոցի սաները ներկաներին ողջունել են իրենց ելույթներով: Այնուհետ Երևանի քաղաքապետ Տարոն Մարգարյանը ՀՀ առաջին տիկին Ռիտա Սարգսյանի և լեգենդար հայ հետախույզի կնոջ՝ Գոհար Վարդանյանի հետ միասին դպրոցի տնօրենի ուղեկցությամբ ծանոթացել է նաև կրթօջախում բացված Գևորգ Վարդանյանի անունը կրող թանգարանի ցուցանմուշներին:

Երևանի քաղաքապետարան

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հոկտեմբեր 2015
Երկ Երե Չոր Հնգ Ուրբ Շաբ Կիր
« Սեպ   Նոյ »
 1234
567891011
12131415161718
19202122232425
262728293031