Վարչապետը կարծում է, որ սահմանադրական բարեփոխումների հարցով կոնսոլիդացիա կա
«Տեսակետները բազմաթիվ են, բայց ակնհայտ է, որ այդ հարցի շուրջ կոնսոլիդացիա գոյություն ունի: Դա երեւաց նաեւ ԱԺ-ի քվեարկությունից: Քաղաքական ուժերն իրենց կարծիքը հայտնեցին եւ ես գտնում եմ, որ դա տեղին է եւ ժամանակին: Իսկ ընդհանուր կարծիքները `ես չեմ մեկնաբանում որեւէ մեկի տեսակետը»,- այսօր խորհրդարանում, լրագրողների հետ զրույցում ասաց ՀՀ վարչապետ Հովիկ Աբրահամյանը`պատասխանելով լրագրողների հարցերին:
Հովիկ Աբրահամյանը հարցազրույց տվեց կառավարության հետ հարց ու պատասխանի ավարտից հետո: Մինչ այդ, հիշեցնենք, ԱԺ հասարակայնության հետ կապերի վարչության պետն ու ԱԺ անվտանգության աշխատակիցները թույլ չէին տվել լրագրողներին`վարչապետին հարցեր ուղղել:
Լրագրողներից մեկը հետաքրքրվեց`հնարավո՞ր է ինչ-որ քաղաքական ժամանակահատվածում որոշում կայացվի Քոչարյանին նույնպես բամփել: Հովիկ Աբրահամյանը հարցից տարակուսեց, ապա հարցով պատասխանեց. «Իսկ ո՞ւմ ենք մենք որոշում կայացրել»: Լրագրողները հիշեցրեցին`Գագիկ Ծառուկյանին: «Սխալ եք»,- ասաց վարչապետը`հորդորելով ուշադիր լսել իր հայտարարությունը:
Կարդացեք նաև
2017 թվականին Ռոբերտ Քոչարյանի հնարավոր մասնակցությունը խորհրդարանական ընտրություններին`սեփական կուսակցական ցուցակում, վարչապետն ասաց, որ քաղաքականության մեջ ինքը երբեք չի ասում երբեք. «Ամեն ինչ հնարավոր է»:
Այլ մանրամասները`խաղողի մթերման, տնտեսական աճի եւ ընդհանուր իրավիճակի մասին ավելի ուշ`տեսանյութում:
Նելլի ԳՐԻԳՈՐՅԱՆ
