Արտեմ Ասատրյանի կարծիքով՝ հոսանքը չի թանկացել, 2000 դրամով նպաստն ավելացնելու կարիք չկա

Առաջարկվում է ուժը կորցրած համարել 2000 դրամով նպաստները բարձրացնելու որոշումը

Վաղը կառավարության նիստին աշխատանքի եւ սոցիալական հարցերի նախարար Արտեմ Ասատրյանը կառաջարկի նախկինում նախատեսված ընտանեկան եւ սոցիալական նպաստների բազային չափը 2000 դրամով բարձրացնելու որոշումն, այսպես ասած՝ չեղյալ համարել: Նախարարը գտնում է, որ 2000 դրամով ավել նպաստներ տալու կարիքը չկա, քանի որ նպաստները որոշել էին բարձրացնել հոսանքի 6.93 դրամի թանկացման արդյունքում, բայց ըստ նախարարի նպաստները չեն բարձրացնի, քանի որ հոսանքի թանկացում չի եղել:

Արտեմ Ասատրյանի հիմնավորումը զարմանալի է, նույնիսկ՝ թյուրիմացություն է առաջացնում:

Ընտանեկան եւ սոցիալական նպաստներն 2000 դրամով ավելացնելու որոշումն ուժը կորցնելու անհրաժեշտությունը նախարարն այսպես է հիմնավորում. «Հայաստանի Հանրապետությունում 2015 թվականի օգոստոսի 1-ից նախատեսվում էր Էլեկտրաէներգիայի սակագնի բարձրացում 6.93 դրամով:

Կարդացեք նաև

Նախատեսվում է էլեկտրաէներգիայի սակագնի բարձրացում փետրվարի 1-ից

• 18:00 23.12.2021

Մինչեւ պաշտոնից հեռանալը Մանե Թանդիլյանը ԱԱԾ-ն դիմում է ներկայացրել՝ նախկին նախարարի օրոք տեղի ունեցած առերեւույթ չարաշահումների ու վատնումների վերաբերյալ. «Ժողովուրդ»

• 12:42 02.05.2019

Կայացել է Հաշմանդամություն ունեցող անձանց հարցերով զբաղվող ազգային հանձնաժողովի նիստը

• 13:23 06.05.2017

Բնակչության սոցիալական վիճակը մեղմելու նպատակով ՀՀ կառավարությունը 2015 թվականի հունիսի 25-ի նիստի օրակարգային 42-րդ հարցով քննարկեց եւ հավանության արժանացրեց կառավարության 2015 թվականի հունվարի 30-ի N 19-Ն որոշման մեջ փոփոխություններ կատարելու մասին կառավարության որոշման նախագիծը, համաձայն որի 2000 դրամով բարձրացվելու էր ընտանեկան եւ սոցիալական նպաստների բազային չափը: Սակայն, սակագնի բարձրացում 2015-ի օգոստոսի 1-ից տեղի չունեցավ, եւ ըստ էության նախագծի ընդունումը չիրագործվեց»:

Այս հիմնավորումից կարելի է եզրակացնել, որ Արտեմ Ասատրյանի համար հոսանքի սակագինը չի բարձրացվել, գուցե նա վճարելու է նախկին գնով՝ 42 դրամով:

Եթե նախարարը գտնում է 2000 դրամով նպաստների բարձրացման կարիքը չկա, քանի որ հանրության որոշ հատվածին այդ 6.93 դրամը փոխհատուցվելու է, ապա թյուրիմացությունից խուսափելու համար նախագծում լավ կլիներ նշեր այդ մասին, սակայն որեւէ հիշատակում, կամ ակնարկ չկա կառավարություն ներկայցված փաստաթղթում:

Հիշեցնենք, որ նախորդ նիստին ՀՀ վարչապետ Հովիկ Աբրահամյանն ասել է «ՀԷՑ-ը ձեռք բերող Սամվել Կարապետյանը նաեւ իր անձնական միջոցների հաշվին մինչեւ հաջորդ տարվա օգոստոսի 1-ը կառավարության հետ հավասար հիմունքներով փոխհատուցելու է սակագնի թանկացումը բնակչության, ու ամսական մինչեւ 500 կվտ էլէկտրաէներգիա սպառող փոքր բիզնեսի համար՝ 250 կվտ-ի համար»:

Նելլի ԲԱԲԱՅԱՆ