Լրահոս
Օրվա լրահոսը

Արմեն Աշոտյան. «Անհրաժեշտ է ՀՀ դպրոցներում բարելավել ֆրանսերենի դասավանդման որակը»

Հոկտեմբեր 08,2015 17:55

ՀՀ կրթության և գիտության նախարար Արմեն Աշոտյանն այսօր ընդունել է Ֆրանկոֆոնիայի միջազգային կազմակերպության ֆրանսերեն լեզվի տարածման գրասենյակի տնօրեն Իմմա Տոռի գլխավորած պատվիրակությանը: Արմեն Աշոտյանը բարձր է գնահատել համագործակցությունը ֆրանկոֆոնիայի միջազգային կազմակերպության հետ: «Մենք շահագրգիռ ենք, որ ֆրանսերենը` որպես քաղաքակրթական լեզու, Հայաստանի կրթության ոլորտում իր դիրքերը պահպանի և զարգացնի: Այս համատեքստում անհրաժեշտ է ՀՀ դպրոցներում բարելավել ֆրանսերենի դասավանդման որակը և իրականացնել ուսուցիչների շարունակական վերապատրաստում: Այս հարցում մենք ապավինում ենք Ֆրանկոֆոնիայի միջազգային կազմակերպության աջակցությանը»,-նշել է Արմեն Աշոտյանը` ընդգծելով, որ Հայաստանի դպրոցներում թույլատրվել է 3-րդ օտար լեզվի ներմուծումը և ներկայումս անհրաժեշտություն է առաջացել մշակել միասնական կրթական ծրագիր:

Ֆրանկոֆոնիայի միջազգային կազմակերպության ֆրանսերեն լեզվի տարածման գրասենյակի տնօրեն Իմմա Տոռն իր գոհունակությունն է հայտնել, որ հաջորդ շաբաթ առաջին անգամ Հայաստանում անցկացվելու է Ֆրանկոֆոնիայի անդամ երկրների նախարարական 31-րդ համաժողովը: Տիկին Տոռը տեղեկացրել է նաև, որ համաժողովին համընթաց Հայաստանում կկազմակերպվի ֆրանսերենի ուսուցիչների վերապատրաստում` Ֆրանկոֆոնիայի միջազգային կազմակերպության կողմից: Սրան զուգահեռ` ֆրանկոֆոն երկրներում վերապատրաստված հայ ուսուցիչները կփոխանցեն իրենց փորձը գործընկերներին: Գրասենյակի տնօրենն անդրադարձել է նաև լեզվական պակտի թարմացման խնդրին:

Հանդիպման ընթացքում քննարկվել են նաև ֆրանսերենի խորացված ուսուցմամբ դպրոցների, Ֆրանսիական լիցեի և Ֆրանսիական համալսարանի հեռանկարների վերաբերյալ այլ հարցեր:

 ՀՀ կրթության և գիտության նախարարություն

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հոկտեմբեր 2015
Երկ Երե Չոր Հնգ Ուրբ Շաբ Կիր
« Սեպ   Նոյ »
 1234
567891011
12131415161718
19202122232425
262728293031