Լրահոս
Օրվա լրահոսը

«ԱՄՆ-ի և Ռուսաստանի միջև գաղտնի բանակցություններ են ընթանում». արաբագետ

Հոկտեմբեր 08,2015 19:25

«Առաջիկա մեկ ամսվա ընթացքում Ռուսաստանն ու ԱՄՆ-ը «դատապարտված» են համագործակցելու առնվազն մեկ հարցում. նրանք պետք է ինֆորմացիա փոխանակեն իրենց ռազմաօդային ուժերի գտնվելու վայրի մասին, որպեսզի զուտ տեխնիկապես կանխեն բախումները երկու երկրների օդուժերի միջև: Թե´ Արևմուտքը, թե´ Ռուսաստանը որոշակի ռազմական գործողություններ են իրականացնում, և դրանց արդյունավետությունն ապահովելու համար համագործակցությունն անխուսափելի է»,- համոզված է արաբագետ Արայիկ Հարությունյանը:

Նա կարծում է, որ ԱՄՆ-ի և Ռուսաստանի միջև այժմ էլ գաղտնի բանակցություններ են ընթանում՝ ներսիրիական հետագա զարգացումների շուրջ կոնսենսուսի գալու համար:

«Կարծում եմ՝ դրանք սկսվել են ՄԱԿ-ի գլխավոր ասամբլեայում ղեկավարների ելույթներից ու բանակցություններից հետո»,- ասում է արաբագետը:

Թե ինչպիսին կլինեն այդ բանակցությունների արդյունքները, Արայիկ Հարությունյանի կանխատեսմամբ, պարզ կլինի 10-15 օրվա ընթացքում:

Սիրանուշ ՀԱՅՐԱՊԵՏՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հոկտեմբեր 2015
Երկ Երե Չոր Հնգ Ուրբ Շաբ Կիր
« Սեպ   Նոյ »
 1234
567891011
12131415161718
19202122232425
262728293031