Այն փաստը, որ ՀԷՑ-երը գնող ընկերությունն օֆշորային գոտում է գրանցված, Հայաստանի նախկին վարչապետ Խոսրով Հարությունյանին չի մտահոգում: «Ի վերջո, նա այստեղ աշխատելու է, հարկեր է վճարելու. թե սեփականատերը որտեղ է իր դիվիդենդները պահում կամ օգտագործում՝ այս պահին ինձ չի հետաքրքրում»,- «Առավոտի» հետ զրույցում ասաց նա` հավելելով, որ շատ երկրներում շատ ընկերությունների հիմնադիրներ են իրենց ընկերություններն օֆշորներում գրանցում:
Խոսրով Հարությունյանի կարծիքով՝ հանրությանը հիմա մեկ հարց պետք է հետաքրքրի` արդյոք այս առքուվաճառքի արդյունքում մենք ձեռք բերեցի՞նք արդյունավետ սեփականատիրոջ եւ ներդրողի: «Ես ասում եմ` այո»,- ասաց նա՝ հավելելով, որ բիզնեսում իր գիտելիքներն ու հմտություններն ապացուցած ընկերությունն ավելի նախապատվելի է, քան օտարերկրյա պետական կառուցը՝ թեկուզ ամենահայտնի:
«Առավոտ» օրաթերթ
09.10..2015
