Լեռնային Ղարաբաղի անկախության ճանաչումը կարող է բերել Ադրբեջանի վտանգավոր պատասխանին: Այս հայտարարությունը, Trend.az-ի հետ զրույցում, արել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը:
«Եվ Հայաստանը եւ Ադրբեջանը Լեռնային Ղարաբաղի հակամարտությունը խաղաղ լուծելու պարտավորություն ունեն: Մենք պահում ենք նրանց իրենց հանձնառության շրջանակներում եւ շարունակում ենք աշխատել հակամարտության բանակցող կողմերի հետ»,- մասնավորապես նշել է ամերիկացի համանախագահը:
Ջեյմս Ուորլիքը նաեւ հավելել է, որ տարածաշրջանում լարվածության մակարդակը բարձր է եւ ԵԱՀԿ Մինսկի խումբը կողմերին զգուշացրել, որ զերծ մնան քայլերից, որոնք կարող են հերթական սրացման պատճառ դառնալ:
«Համանախագահները տարածաշրջան կայցելեն այս ամսվա վերջում, որպեսզի հանդիպեն նախագահներին եւ նախապատրաստվեն նրանց հերթական գագաթնաժողովին: Մենք ակնկալում ենք, որ նրանց հանդիպումը կօգնի բանակցային գործընթացում առաջընթաց գրանցելուն եւ իր ներդրումը կունենա անվտանգության ոլորտում իրավիճակը կայունացնելու գործում»,- եզրափակել է Ուորլիքը:
Կարդացեք նաև
Պատրաստեց Աշոտ ԻՍՐԱԵԼՅԱՆԸ