Գլխավոր դատախազությունն ուսումնասիրում է ԱԺ ՀԱԿ խմբակցության ղեկավար պատգամավոր Լեւոն Զուրաբյանի հայտարարությունը, թե ՍԴ նախագահ Գագիկ Հարությունյանի միակ գործը եղել է Վենետիկի հանձնաժողովին կաշառելը: Այս մասին NEWS.am-ի թղթակցին հայտնեցին դատախազության հանրային կապերից՝ նշելով, որ դրան կտրվի համապատասխան իրավական ընթացք:
Հավելենք, որ Սահմանադրական դատարանի նախագահ Գագիկ Հարությունյանը Լեւոն Զուրաբյանի այս պնդման վերաբերյալ ասել է. «Այդ հայտարարությունը ես համարում եմ բացարձակ մառազմատիկ երեւույթ: Կարծում եմ, որ այս հարցերն իրավական հարթության վրա կքննարկվեն: Ամենամեծ կաշառքն այն է, որ մենք ներկայացրել ենք այդքան փայլուն նախագիծ, եւ դրա վերաբերյալ տրվել է այդպիսի կարծիք: Իսկ մնացածը ես հիվանդագին երեւակայության արդյունք եմ համարում, եւ ամենայն հավանականությամբ, դրանք իրավական գործընթացներ կմտնեն եւ կպարզվի, թե ինչու համար են նման բաներ արվում»:
Հրապարակումն ամբողջությամբ՝ սկզբնաղբյուր կայքում:
