Լրահոս
Օրվա լրահոսը

Գյումրեցի թումոյականների տեխնոլոգիական ապագան

Հոկտեմբեր 13,2015 22:25

Օրեր առաջ Առավոտն այցելեց Գյումրիի «Թումո» ստեղծարար տեխնոլոգիաների կենտրոն: Ներկայացնենք մանրամասներ այդ այցից:

«Թումոն» Գյումրի մտավ մայիսի 25-ին, բայց կենտրոնի աշխատանքները սկսվեցին աշնանը` սեպտեմբերի 7-ին:

Այսօր արդեն «Թումոն» գյումրեցի պատանիների ամենասիրելի վայր է:

Առավոտի հետ զրույցում նրանք պատմեցին իրենց ներկայի եւ տեխնոլոգիական ապագայի մասին:

Գյումրեցի թումոյական 17 տարեկան Մարտին Մկրտչյանը մեծ ցանկություն ունի ստեղծել կայքեր: Թեեւ դեռ չի որոշել, թե ինչ բովանդակության, կոնկրետ ինչ լսարանի համար են դրանք լինելու, բայց արդեն ուսումնասիրում է կայքերի պատրաստման ձևերը.

«Թումոն մեծ հնարավորություններ է ընձեռում երեխաներին: Նման կրթություն ստանալը անհրաժեշտություն է: Մեծ ծավալի աշխատանք է տարվում այս ոլորտում, պետք է պարտադիր ունենալ խորը գիտելիքներ»:

Նա համոզված է, որ «Թումո» ստեղծարար տեխնոլոգիաների կենտրոնն իրեն կօգնի ավելի շուտ մասնագիտանալ և առաջիկա տարիներին հաստատ կունենա իր նախագծած կայքը:

Վրեժ Գրիգորյանն էլ ցանկանում է դպրոցն ավարտելուց հետո ծրագրավորող դառնալ.

«Հիմա ամեն ինչ կախված է համակարգիչներից: Թումոյում վարժանքների ժամանակ սովորել եմ անիմացիա՝ ինչպես նկարել ֆիլմեր եւ այլն»:

14 ամյա թումոյականը ցանկանում է աշխատել Մայքրոսովթում, կամ Վայբերում, իր տեխնոլոգիական ապագան պատկերացնում է Եվրոպայում, վստահ է, որ իր մոտ դա կստացվի:

Իսկ Սեդան, ով 15 տարեկան է, միակ թումոյականն է, ով ցանկանում է լրագրող դառնալ, չնայած դրան, IT ոլորտի անհրաժեշտությունը գիտակցելով, արդեն այսօր պատրաստ է բացահայտել տեխնոաշխարհի գաղտնիքները.

«Թումո այցելելուց եւ վարժանքները լրիվ հաղթահարելուց հետո ցանկանում եմ մասնագիտանալ ծրագրավորման ոլորտում, քանի որ մեր օրերում շատ արդիական է այդ աշխատանքն ու պահանջված»:

Անժելա ՇԱՀՈՒՄՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հոկտեմբեր 2015
Երկ Երե Չոր Հնգ Ուրբ Շաբ Կիր
« Սեպ   Նոյ »
 1234
567891011
12131415161718
19202122232425
262728293031