Լրահոս
Օրվա լրահոսը

Ինչո՞ւ են Փերինչեքի գործով ՄԻԵԴ վճռից երկու կողմերն էլ գոհ

Հոկտեմբեր 15,2015 20:42

Մարդու իրավունքների եվրոպական դատարանի (ՄԻԵԴ) Մեծ պալատի՝ «Փերինչեքն ընդդեմ Շվեյցարիայի» գործով վճռի հրապարակումից  հետո լայնորեն քննարկվում է այն հարցը, թե այս վճիռը որ կողմին է ձեռնտու՝ Թուրքիայի՞ն, թե՞ Հայաստանին:

ՀՀ արդարադատության նախարարի տեղակալ, ՄԻԵԴ-ում ՀՀ կառավարության լիազոր ներկայացուցչի տեղակալ Արման Թաթոյանը նշեց, որ Եվրոպական դատարանի վերին պալատի վճիռն այն առումով, որ եվրոպական դատարանի լիազորությունների շրջանակում չէ որոշել Հայոց ցեղասպանության հարցը, ավելի  ծանրակշիռ է: Հարցին՝ այդ դեպքում ինչպե՞ս է պատահել, որ վճռից գոհ են երկու կողմերն էլ, պարոն Թաթոյանը պատասխանեց.

«Փերինչեքը դատվել էր այդ երկրում. իր տեսանկյունից դա նորմալ է, բայց Թուրքիայի համար սա ընդհանրապես ընդունելի վճիռ չէ: Թուրքիան էլ էր այս գործով կողմ և այն ներգրավվել է ավելի գլոբալ խնդիր լուծելու համար, որ դատարանն արձանագրի, որ ընդհանրապես ցեղասպանություն չկա և դա ցեղասպանություն չէ: Բայց դատարանն արեց հակառակը»:

Եվրոպայի Հայ դատի հանձնախմբի հաղորդակցության պատասխանատու Պետո Դեմիրճյանը ուշադրություն հրավիրեց վճռի հետևյալ հանգամանքի վրա. «Դատարանի վերին պալատը բեկանեց ստորին պալատի այն որոշումը, որ Հայոց ցեղասպանությունն այս շրջանակներում պետք է քննարկվեր: Կարևոր կետ կա այն մասին, որ Թուրքիայում օրենսդրության մեջ լայնորեն կիրառվող 301-րդ հոդվածն այլևս եվրոպական օրենսդրության մեջ տեղ չունի»:

Տաթև ՀԱՐՈՒԹՅՈՒՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հոկտեմբեր 2015
Երկ Երե Չոր Հնգ Ուրբ Շաբ Կիր
« Սեպ   Նոյ »
 1234
567891011
12131415161718
19202122232425
262728293031