Այսօր «Նոր Հայաստան» հանրային փրկության ճակատի հրավիրած քննարկումը հետաքրքիր ընթացք ստացավ: Դեռ քննարկումը չէր սկսել՝ Ժիրայր Սեֆիլյանի գլխավորությամբ ստեղծված միասնական շտաբի անդամներին միացավ ԱԻՄ առաջնորդ Պարույր Հայրիկյանը:
Իսկ ավելի ուշ, ի զարմանս բոլորի, եկավ նաեւ ՀԱԿ խմբակցության ղեկավար Լեւոն Զուրաբյանը:
Ուշագրավ է, որ Լեւոն Զուրաբյանը գնաց եւ նստեց ՀԱԿ դաշինքի նախկին անդամ, «Ժողովրդավարական հայրենիք» կուսակցության նախագահ Պետրոս Մակեյանի կողքին: Սակայն երբեմնի գաղափարակիցներն ու ընկերները իրար կողքի մնացին ընդամենը մի քանի վայրկյան: Լեւոն Զուրաբյանը նախընտրեց մեկ աթոռ այն կողմ նստել ու հակառակ դիրքով:
Կարդացեք նաև
Հանրային փրկության ճակատի անդամներն այս պահին ներկայացնում են իրենց ծրագիրը:
Անդրեաս Ղուկասյանն ասաց, որ հիմա քննարկվում է՝ ունե՞նք մենք անհնազանդության իրավունք, մինչդեռ Սահմանադրությամբ էլ ամրագրված է՝ մեր ժողովուրդն ունի անհնազանդության իրավունք:
Հռիփսիմե ՋԵԲԵՋՅԱՆ
