Լրահոս
Օրվա լրահոսը

Վարչական դատարանը մերժեց ոստիկանության հայցը

Հոկտեմբեր 22,2015 17:18

Վարչական դատարանում հոկտեմբերի 22-ին դատավոր Կարինե Բաղդասարյանը հրապարակեց Կարեն Հարությունյանին վարչական պատասխանատվության ենթարկելու գործով վճիռը:

Ոստիկանությունը պահանջում էր վարչական պատասխանատվության ենթարկել Կարեն Հարությունյանին վարչական իրավախախտումների վերաբերյալ օրենսգրքի 182-րդ հոդվածով, այն է ոստիկանության զորքերի զինծառայողի կամ ոստիկանության ծառայողի օրինական պահանջը չկատարելը:

Դատարանը մերժեց ոստիկանության հայցը:

Հիշեցնենք՝ ոստիկանության ներկայացուցիչ Սոնա Մելիքյանը իր ամփոփիչ ճառում նշել է, որ Կարեն Հարությունյանը Երեւանի քաղաքապետարանի անցագրային ռեժիմն է խախտել՝ ցանկանալով մասնակցել Երեւանի ավագանու նիստին: Նա ընդգծել է, որ քաղաքապետը գրություն է ներկայացրել, որ Կարեն Հարությունյանը խանգարել է քաղաքապետարանի աշխատանքը: Նա ասել է, որ ոստիկանները Կարեն Հարությունյանին բերման են ենթարկել մայթից, ըստ նրա՝ ինքնանպատակ չի եղել նրան բերման ենթարկելը. ոստիկանները նրան մի քանի անգամ զգուշացրել են, եւ Սոնա Մելիքյանի կարծիքով՝ եթե եւս մեկ անգամ Կարեն Հարությունյանը չհեռացվեր մայթի եզրից, նրա հաջորդ քայլը քաղաքապետարանի մուտքի դռներին մոտենալը կլիներ:

Ամի ՉԻՉԱԿՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Ամենաընթերցված

Օրացույց
Հոկտեմբեր 2015
Երկ Երե Չոր Հնգ Ուրբ Շաբ Կիր
« Սեպ   Նոյ »
 1234
567891011
12131415161718
19202122232425
262728293031