Լրահոս
Օրվա լրահոսը

Աշոտյան. «Հին Հռոմում առկա բանաձեւը մեր կրթական համակարգի համար չէ» (Տեսանյութ) 

Նոյեմբեր 20,2015 12:59

ՄԱԿ-ի մանկական հիմնադրամի ներկայացուցիչները եւ Հայաստանի կրթական համակարգի պատասխանատուներն այսօր մասնակցեցին «Կրթության զարգացման 2016-2025 թթ. պետական ծրագրի» նախագծի քննարկմանը: Նախագիծը վերջին ամիսներին մշակել է Կրթության եւ գիտության նախարարությունը:

«Այն իր առջեւ դրել է համակարգի 10-ամյա զարգացման հեռանկար, ինչը նաեւ միջազգային տենդենց է: Ազգային կրթական համակարգը պետք է ընդգրկի քաղաքացու զարգացման բոլոր հնարավորությունները՝ կրթության եւ գիտելիքի միջոցով: Մեր եւ միջազգային փորձագետների վերլուծությունը ցույց է տալիս, որ Հայաստանը կրթության ոլորտի բարեփոխումներում ոչ մի ռազմավարական սխալ չի արել: Մեր բարեփոխումները համահունչ են միջազգային չափանիշներին: Այլ է հարցը, որ միշտ չէ, որ անում ենք հստակ եւ բացարձակ ճիշտ քայլեր, բայց ընտրված ճանապարհն ամբողջությամբ ներառում է կրթական համակարգի զարգացման լավագույն օրինակները»,-լրագրողների հետ զրույցում ասաց Կրթության եւ գիտության նախարար Արմեն Աշոտյանը:

Krtutyun_1

Խոսելով կրթական համակարգի առկա խնդիրներից՝ նա ասաց. «Մեր ամբիցիաներն ու հավակնություններն ավելի մեծ են, քան այդ պահի դրությամբ առկա ռեսուրսները: Մենք ազգովի եւ ես էլ ուզում ենք ամեն ինչ ու միանգամից, բայց ցավոք դա հնարավոր չէ: Հին Հռոմում առկա այդ բանաձեւը կրթության ոլորտում չի աշխատում: Այնուամենայնիվ, մենք իրականացրել ենք բոլոր անհրաժեշտ բարեփոխումները՝ խնդիրներով եւ դժվարություններով: Օրինակ՝ 12-ամյա կրթության համակարգը գործում է եւ կկատարելագործվի»:

Krtutyun_3

Հավելենք, որ «Կրթության զարգացման 2016-2025 թթ. պետական ծրագրի» նախագիծը մասնագիտական քննարկումներից հետո կդրվի հանրային քննարկման, ինչից հետո կներկայացվի Ազգային ժողովին:

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Նոյեմբեր 2015
Երկ Երե Չոր Հնգ Ուրբ Շաբ Կիր
« Հոկ   Դեկ »
 1
2345678
9101112131415
16171819202122
23242526272829
30