Մենք հույս ունեինք, որ զինված խմբավորման բացահայտման հաջորդ օրը որոշ պարզություն կմտնի, եւ հանրությունը կտեղեկանա, թե ինչ ահաբեկչության մասին է խոսքը, վերջապես՝ ինչի համար են այդ երիտասարդները զենք կուտակել։ Մանավանդ գիտեինք, որ ԱԱԾ ներկայացուցիչն ասուլիս է տալու եւ մանրամասներ է ներկայացնելու։ Կայացավ ոչ միայն ասուլիսը, այլեւ դատարանը կալանքի սանկցիաներ տվեց խմբի անդամներին, նրանց հարազատների հետ հարցազրույցներ արվեցին, սակայն մենք ավելին չիմացանք, քան գիտեինք նախորդ օրը։ Մեզ հրամցվեցին պատրաստի պատասխաններ, կասկածելի գնահատականներ եւ պաշտոնյաների համոզվածությունը, որ «հրեշավոր» հանցագործություն է նախապատրաստվել։ Հասարակությունը շարունակեց կասկածներ հայտնել՝ հենվելով իր ունեցած տեղեկատվության վրա․ «ահաբեկիչները» չեն դիմադրել, կցկտուր կադրերից երեւում է, որ ընկճված են ու լուռ։ Դեմքերն են թաքցրել տեսախցիկներից։
Հոդվածն ամբողջությամբ կարդացեք «Հրապարակ» թերթի այսօրվա համարում:
