«Քննությունը գնում ա էլի, ամեն ինչ կիմանանք, ի՞նչ ես վռազում»
«Ո՞նց կարող էր բեմականացված լինել»,- նոյեմբերի 28-ին ԵԿՄ նիստից հետո լրագրողների հետ զրույցում, անդրադառնալով նոյեմբերի 25-ին ԱԱԾ-ի գործողություններին, լրագրողների հետ զրուցում ասաց Սյունիքի մարզպետ Սուրիկ Խաչատրյանը:
Հարցին, թե ինչո՞ւ հասարակությունը չի հավատում, անվստահությամբ է մոտենում, մարզպետը պատասխանեց. «Իրանք էլ են ձեր խելքին, դուք որեւիցե մեկին հավատո՞ւմ եք: Դուք էլ չեք հավատում ոչ մեկին»:
Մյուս հարցին, թե՝ խմբի հիմնական կազմը երիտասարդներ են, իրենք պետք է լուրջ հանցագործությո՞ւն կատարեին, նա պատասխանեց. «Քննությունը գնում ա էլի, ամեն ինչ կիմանանք, ի՞նչ ես վռազում»:
Կարդացեք նաև
Նկատառմանը, որ այդ խմբում նաեւ ազատամարտիկներ կային, օրինակ՝ Խաչիկ Ավետիսյանը, նա ասաց. «Էդ ազատամարտիկը խի՞ ա ուզում իրա պետությանը վնաս տա»:
Ամի ՉԻՉԱԿՅԱՆ
