Այսօր կարծես թե բարեհաջող իրավիճակ է ձեւավորվել տարածաշրջանում՝ ռուսներն ու թուրքերը կռվում են, եւ այդ կռվից մենք կարող ենք մեր «օգուտներն» ունենալ։
Միամտություն կլիներ կարծել, որ այդ օգուտները շատ շոշափելի են լինելու՝ կորսված հողերի վերադարձի, ղարաբաղյան փակուղի մտած խնդրի լուծման կամ թեկուզ Ցեղասպանության շուտափույթ ճանաչման եղանակով։ Բայց օգուտներ, այնուամենայնիվ, կարող ենք քաղել։
Նախ, կարող ենք օգտվել թուրքական ապրանքների ներմուծման հետ կապված պուտինյան սանկցիաներից։ Ասում են՝ գյուղմթերքների առանձնապես մեծ ծավալ հայ արտադրողը չի կարող ապահովել, բայց, ինչպես ասում են, փոքր քանակն էլ մի ցավի ոտ կկոտրի։ Պուտինյան մյուս արգելքը վերաբերում է թուրքական ընկերությունների եւ Թուրքիայի քաղաքացիների՝ Ռուսաստանում զբաղվածությանը։ Սա եւս կարող են օգտագործել հայկական ընկերություններն ու հայ գործազուրկները։ Եվ, վերջապես, շատ լավ հնարավորություն է ստեղծվել ռուս զբոսաշրջիկներին Հայաստան բերելու:
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
