Լրահոս
Օրվա լրահոսը

«Օրրան»-ի 100 երեխա պլանշետ ստացավ (ֆոտոշարք եւ տեսանյութ)

Դեկտեմբեր 25,2015 17:04

«Օրրան» բարեգործական հասարակական կազմակերպության գրասենյակում այսօր տոնեցին Ամանորն ու Սուրբ ծնունդը: Կազմակերպության շահառու՝ կարիքավոր ընտանիքների երեխաները տոնական հանդես էին կազմակերպել: Մի խումբ կամավորներ նրանց համար նախապես հավաքագրել էին հագուստ եւ սնունդ:

Երեխաները նաեւ անակնկալ նվեր ստացան՝ «ԱրմԹաբ» պլանշետ: Նախաձեռնության հեղինակը One Armenia կազմակերպությունն է, որը դրամահավաք է կազմակերպել եւ ստացված գումարով գնել 100 պլանշետ:

«Ցանկացանք հայկական արտադրության պլանշետներ նվիրել, որոնց միջոցով երեխաները կզարգացնեն իրենց գիտելիքները: Մեր կամավորները գումար ներդրեցին, անգամ փոքր-ինչ ավելի հավաքվեց: Աշխարհի տարբեր երկրներից մարդիկ տեղեկացան այս նախագծի մասին եւ միացան մեզ»,-Aravot.am-ի հետ զրույցում ասաց One Armenia-ի ներկայացուցիչ Անահիտ Գալստյանը:

FILE5803 FILE5802 FILE5797 FILE5790 FILE5785 FILE5779 FILE5776 FILE5771 FILE5769 FILE5805

«Օրրան»-ի հիմնադիր-տնօրեն Արմինե Հովհաննիսյան էլ մեզ հետ զրույցում ասաց, որ պլանշետների միջոցով երեխաներն ավելի կկատարելագործեն համակարգչային գիտելիքները. «Մեր 12 կամավորները նաեւ տարբեր նվերներ՝ հագուստ, կոշիկ, սնունդ են հավաքագրել երեխաների համար: Երբեք «Օրրան»-ն այսքան շատ նվերներ չէր տվել իր շահառուներին, այդ առումով այս տարին յուրահատուկ է: Այս ամենն այն մարդկանց շնորհիվ է, որոնք լսել են «Օրրան»-ի մասին եւ օգնելու ցանկություն հայտնել»:

Մեր զրուցակցի խոսքով՝ Հայաստանում բարեգործության նոր մշակույթ է ձեւավորվում. «Բարեգործությունը միշտ էլ եղել է, պարզապես հիմա սկսում է հասարակական աշխատանքի վերածվել: Եթե նախկինում մեր նվիրատուների 95 տոկոսը սփյուռքահայեր էին, ապա այսօր հայաստանաբնակներն ավելի շատ են սկսել բարեգործություն անել»:

Հավելենք, որ միջոցառման տոնական տորթը եւս կամավորների նվերն էր «Օրրան»-ին:

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Դեկտեմբեր 2015
Երկ Երե Չոր Հնգ Ուրբ Շաբ Կիր
« Նոյ   Հուն »
 123456
78910111213
14151617181920
21222324252627
28293031