«Հրեշտակների» գումարտակի հրամանատար Գեղամ Խաչատրյանի տան մոտ այսօր տեղի ունեցած բողոքի ակցիայի մի քանի մասնակիցներ բերման են ենթարկվել Ոստիկանության Մալաթիա-Սեբաստիա բաժին՝ Խաչատրյանի հասցեին սպառնալիքներ հնչեցնելու և նրա գույքին վնաս հասցնելու կասկածանքով: Այս մասին Aravot.am-ին ասաց Նախախորհրդարանի անդամ Վարուժան Ավետիսյանը:
Նա նշեց, որ ակցիայի մասնակիցները որևէ սպառնալիք չեն հնչեցրել Գեղամ Խաչատրյանի հասցեին: «Իմ ստացած տեղեկություններով՝ հինգ քաղաքացիներ են բերման ենթարկվել, այդ թվում՝ Գրիգոր Եղնուկյանը, ով անչափահաս է: Նրանք կարող են ենթարկել քրեական պատասխանատվության: Ըստ ոստիկանության՝ նրանք սպառնալիքներ են հնչեցրել Գեղամ Խաչատրյանի հասցեին, բայց ես տեսա այնպիսի գրառումներ, որոնք չեն կարող սպառնալիք համարվել: Խոսքը «կապիկ-ոստիկան» եւ նմանօրինակ գրառումների մասին է»,-ասաց Վարուժան Ավետիսյանը:
Բերման են ենթարկվել Գոհար Սարոյանը, Լուսինե Մինասյանը, Արմո Սաֆարյանը, Գրիգոր եւ Հակոբ Եղնուկյանները: Լուսինե Մինասյանը Գեւորգ Սաֆարյանի կինն է, Արմո Սաֆարյանը` եղբայրը:
Կարդացեք նաև
Նրա խոսքով՝ Ամանորի գիշերը Ազատության հրապարակում տեղի ունեցած միջադեպի ժամանակ Գեղամ Խաչատրյանը ծեծել է ակտիվիստ, «Նոր Հայաստան» շարժման անդամ Գեւորգ Սաֆարյանին եւ կեղծ ցուցմունք տվել՝ ճանաչվելով որպես տուժող կողմ:
Հիշեցնենք, որ ակցիայի մասնակիցները ցանկացել են տարեմուտը նշել հրապարակում եւ տոնածառ տեղադրել, ինչին խոչընդոտել էին ոստիկանները՝ քաղաքապետարանի համապատասխան թույլտվության բացակայության պատճառով:
Նշենք, որ այս պահին Կենտրոն եւ Նորք-Մարաշ վարչական շրջանների ընդհանուր իրավասության դատարանի դիմաց շարունակվում է Գեւորգ Սաֆարյանի պաշտպանության ակցիան: Մասնակիցները պահանջում են ազատ արձակել նրան՝ համարելով, որ ակտիվիստն է ոստիկանների բռնության զոհ դարձել:
Դեկտեմբերի 31-ի գիշերը ձերբակալվել է 5 քաղաքացի: Բոլորը, բացի Գեւորգ Սաֆարյանից, բաց են թողնվել:
Այլ մանրամասները՝ քիչ ուշ
Լուիզա ՍՈՒՔԻԱՍՅԱՆ
Ոստիկանները էտքան ամերիկա թրենինգի գնացին ԱՄՆ-ի գրայնտային փողերով ու չհասկացան, որ Ոստիկանին խփելու դեպքում ոչ թե ձերբակալում են, այլ կրակում են ճակատին
Էս էլ անհասկացողության արդյունքները
Հակատոնածառային ՛՛Վահան՛՛ օպերացիայի ընթացքում ոստիկանները կատարեցին գլխավոր խնդիրը. նախ բերման ենթարկեցին, ապա և ձերբակալեցին Գևորգ Սաֆարյանին, որի վրա իրենց տերերը վաղուց ՛՛ատամ ունեին՛՛:
Հիմա այդ կլոունադայի երկրորդ արարն է, դատական ակտերի խեղկատակացման տեսքով: