Արևմուտքից Հայաստանին ցիկլոն է մոտենում: Հունվարի 6-7-ին հանրապետությունը կգտնվի ցիկլոնի ծայրամասերում, իսկ արդեն հունվարի 8-ին` ցիկլոնի կենտրոնում:
ՀՀ ՏԿԱԻՆ հաղորդմամբ, հունվարի 6-ին, 8-9-ին շրջանների մեծ մասում սպասվում է ձյուն, առանձին հատվածներում սպասվում է բուք, ցածր հորիզոնական տեսանելիություն, ճանապարհներին` մերկասառույց: Հունվարի 7-ին, 10-ին սպասվում է առանց տեղումների եղանակ: Քամին՝ արևմտյան‵ 2-7 մ/վրկ արագությամբ, առանձին հատվածներում քամու ուժգնացում՝ 15-20մ/վրկ: Օդի ջերմաստիճանը հունվարի 6-7-ին աստիճանաբար կբարձրանա. ցերեկը՝ 2-4, գիշերը՝ 4-6 աստիճանով, 10-ին կնվազի 3-6 աստիճանով:
