Լրահոս
Օրվա լրահոսը

«Քրիստոնյա ասելով՝ պատրիարք Կիրիլը, ամենայն հավանականությամբ, նկատի ուներ ուղղափառներին». Կոմիտաս վարդապետ

Հունվար 17,2016 19:52

Կոմիտաս վարդապետ Հովնանյանը համարում է, որ պատրիարք Կիրիլը իր հայտնի հայտարարությունում ոչ թե նկատի է ունեցել հայ քրիստոնյաներին, այլ՝ հույն:

Ինչպես հայտնի է, Մոսկվայի եւ Համայն Ռուսիո պատրիարք Կիրիլը հունվարի 7-ին սուրբծննդյան հարցազրույց է տվել Դմիտրի Կիսիլյովին, որը հեռարձակվել է «Ռոսիա 1» հեռուստաընկերության եթերում: Հարցազրույցի ընթացքում նա, խոսելով Մերձավոր Արեւելքում ստեղծված իրավիճակի մասին, բերել է Օսմանյան կայսրության օրինակը, մասնավորապես՝ ասել է. «Օրինակ՝ վերցնենք թուրքական, Օսմանյան կայսրությունը: Այո՛, եղել են քրիստոնյա փոքրամասնություններ, սակայն նրանց ոչ ոք չի ոչնչացրել»:

Aravot.am-ը Մայր Աթոռ Սուրբ Էջմիածնի հայորդաց տների տեսուչ Կոմիտաս վարդապետ Հովնանյանին խնդրեց անդրադառնալ այդ հայտարարությանը: Նա նշեց, որ համարում է՝ պատրիարք Կիրիլը իր հայտնի հայտարարությունում ոչ թե նկատի է ունեցել հայ քրիստոնյաներին, այլ՝ հույն. «Այսինքն՝ քրիստոնյա ասելով՝ ինքը, ամենայն հավանականությամբ, նկատի ուներ ուղղափառներին, այսինքն՝ ոչ թե Արեւելյան ուղղափառ եկեղեցուն, ասենք՝ ասորի, հայ, ղպտի եւ այլն: Սա է այդ թյուրիմացության հիմնական պատճառը, այլապես մեզնից շատերին է հայտնի՝ ամեն անգամ, երբ Կիրիլ պատրիարքը եկել է Հայաստանը, երբեք չի զլացել բարձրանալ Ծիծեռնակաբերդ եւ հարգել մեր 1.5 միլիոն սրբերի հիշատակը»:

Կոմիտաս վարդապետ Հովնանյանը չի կարծում, որ այս հայտարարությունը քաղաքական ենթատեքստ ունի. «Հատկապես այս օրերին, երբ լարված է թուրք-ռուսական հարաբերությունները, երբեք նրանք թուրքամետ հայտարարություն պիտի չանեին, որովհետեւ գիտենք գոնե Պուտինի հայտարարությունները կապված Թուրքիայի հետ»:

Հիշեցնենք՝ պատրիարք Կիրիլի հայտարարությունից հետո պատրիարքի մամուլի խոսնակ Ալեքսանդրա Վոլկովան պարզաբանում էր տարածել, որ Ռուս Ուղղափառ եկեղեցու դիրքորոշումը Հայոց Ցեղասպանության վերաբերյալ անփոփոխ է:

Ամի ՉԻՉԱԿՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (3)

Պատասխանել

  1. Մարատ says:

    քծնիր քո հաշվին, ոչ թե ամբողջ հայ ժողովրդի, ամոթն էլ լավ բան է

  2. Արամ says:

    Գտնվեց և հայտնվեց մեկը:Միշտ այսպես են քարոզել՝մաքուր ջրերը պղտորելով: Եթե հոգևորականը ռուսերեն լեզուն չի հասկանում,ապա հասկացողներ շատ կան:Ցավում եմ,որ այս դերասանին չեմ հավատում:

  3. Արամ says:

    ԵՎ հաստատումում էինչ-որ ռուս ռուս հոգևորականի ասածը,թե Հայ Առաքելական Եկեղեցին աղանդ է:

Պատասխանել

Օրացույց
Հունվար 2016
Երկ Երե Չոր Հնգ Ուրբ Շաբ Կիր
« Դեկ   Փետ »
 123
45678910
11121314151617
18192021222324
25262728293031