Ռուս ծանրորդ Ալեքսեյ Լովչեւը կմեկնի Մոնրեալ՝ դոպինգ փորձանմուշի «B» սրվակը բացելու

Ռուս ծանրորդ Ալեքսեյ Լովչեւը կմեկնի Մոնրեալ՝ դոպինգ փորձանմուշի «B» սրվակը բացելու

Ռուսաստանցի գերծանր քաշային ծանրորդ Ալեքսեյ Լովչեւը, որը նոյեմբերին Հյուսթոնում անցկացված աշխարհի առաջնությունում հաղթելուց հետո կասկածվում է դոպինգ (իպամորելին) օգտագործած լինելու մեջ եւ IWF-ի որոշմամբ ժամանակավորապես հեռացվել է ծանրամարտից, մոտ ժամանակներս կմեկնի Կանադա՝ Մոնրեալի հակադոպինգային լաբորատորիայում իր դոպինգ փորձանմուշի «B» սրվակի բացմանը ներկա գտնվելու: Այս մասին РИА Новости-ին տեղեկացրել է ծանրորդի հայրը, որը նրա անձնական մարզիչն է:

Եթե Լովչեւի դոպինգ փորձանմուշի երկրորդ սրվակի արդյունքն էլ դրական լինի, ապա +105 կգ քաշային կարգում հայաստանցի Գոռ Մինասյանը կհռչակվի աշխարհի առաջնության բրոնզե մեդալակիր:

Աշոտ ՀԱԿՈԲՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

 
Առցանց Առավոտի լուրերին facebook-ով բաժանորդագրվելու համար սեղմեք