Լրահոս
Օրվա լրահոսը

Ռուբեն Վարդանյանը՝ Դիլիջանում իր ցանկալի անձին քաղաքապետ «դարձնելու» մասին

Հունվար 24,2016 15:09

Գործարար եւ բարերար Ռուբեն Վարդանյանը հունվարի 23-ին հարցազրույց է տվել Հանրային հեռուստատեսության «Հանրային օրակարգ» հաղորդմանը: Մեդիամաքսը ներկայացնում է հարցազրույցի ընթացքում հնչած որոշ մտքերը: 

Ցավոք, մենք ապրում ենք մի հասարակությունում, որը չի հավատում ոչ մեկին եւ ոչնչին: Սա շատ վտանգավոր եւ բացասական երեւույթ է: Հավատն օգնում է առաջ գնալ:

Դիլիջանի ընտրությունների պարագայում մենք ասում ենք մեկ բան՝ եկեք հարգենք դիլիջանցիներին: Դիլիջանի զարգացումը ոչ թե Ռուբեն Վարդանյանի, այլ դիլիջանցիների ձեռքերում է: Դիլիջանի զարգացումը կարող է օրինակ դառնալ Հայաստանի մյուս քաղաքների համար:

Մենք պարզապես ստեղծում ենք պայմաններ, եւ մեզ համար կարեւոր է, որպեսզի Դիլիջանում ընտրվի ոչ թե «Ռուբենի քաղաքապետը», այլ հենց իրենց՝ տեղի բնակիչների քաղաքապետը:

Ուրախ եմ, որ մենք տեսնում ենք մտածելակերպի փոփոխություն դիլիջանցի երիտասարդների շրջանում, ովքեր, օրինակ, ինքնուրույն որոշեցին մաքրել քաղաքը կուտակված աղբից: Շատ ոգեւորիչ է, երբ երիտասարդությունը ցանկանում եւ ինքնուրույն փոփոխություններ է նախաձեռնում:

Կարծում եմ՝ ո՞վ էլ ընտրվի քաղաքապետ, պետք է ժողովրդի կողմից ընտրված, ժողովրդին հավատարիմ ու հաշվետու քաղաքապետ լինի:

Լուսանկարը` Հանրային հեռուստատեսություն

Հոդվածն ամբողջությամբ՝ սկզբնաղբյուր կայքում

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունվար 2016
Երկ Երե Չոր Հնգ Ուրբ Շաբ Կիր
« Դեկ   Փետ »
 123
45678910
11121314151617
18192021222324
25262728293031