Ծննդկան Մերի Մարգարյանի գործով քննիչը դիմել է հսկողություն իրականացնող դատախազին՝ առաջարկելով քննարկել Շուշանիկ Բախշյանին գրավի դիմաց արձակելու դատարանի որոշման դեմ վերաքննիչ բողոքով դիմելու հարցը:
Այսօր Aravot.am-ի հետ զրույցում Մերի Մարգարյանի մահվան մեջ մեղադրվող Շենգավիթ բժշկական կենտրոնի բժշկուհի Շուշանիկ Բախշյանի փաստաբան Ալեքսանդր Սիրունյանն այդ առնչությամբ ասաց, որ դեռեւս 5-օրյա ժամկետ կա եւ փաստաբան Կարեն Կիրակոսյանի հետ այժմ քննարկում են գրավ կիրառելու մասին որոշման դեմ վերաքննիչ բողոք բերելու հարցը:
Փաստաբան Սիրունյանի խոսքերով, վերջնական որոշում դեռ չի կայացվել, որովհետեւ այդ հարցը նաեւ պատվիրատուի՝ Շուշանիկ Բախշյանի ընտանիքի հետ պետք է համաձայնեցնեն. «Ինքն իր բնույթով բողոք բերելն ավելի շատ իրավական գնահատականի հարց է, այո գրավ է կիրառվել, գտնվում է ազատության մեջ, բայց քանի որ գրավը կիրառվում է կալանքին որպես այլընտրանքային միջոց, մենք հենց դրան ենք դեմ, որ կալանավորման հիմքեր չեն եղել: Հետեւաբար որոշման դեմ կալանքի մասով պետք է բողոք բերենք»:
Հիշեցնենք, որ պաշտոնապես մեղադրանք է առաջադրվել Շուշանիկ Բախշյանի նկատմամբ: Նա մեղադրվում է ծննդկան Մերի Մարգարյանի ու նրա նորածին դստեր մահվան մեջ: Ըստ մեղադրանքի Շուշանիկ Բախշյանը ցուցաբերել է անբարեխիղճ վերաբերմունք, ինչի հետեւանքով հղիության 35-րդ շաբաթում գտնվող Մերի Մարգարյանը մահացել է
Կարդացեք նաև
Լուսինե ԲՈՒԴԱՂՅԱՆ
