Ժողովրդավարական ընտրությունների եվրոպական հարթակը (EPDE) 90 էջանոց վիճակագրական վերլուծություն է ներկայացրել 2015թ. դեկտեմբերի 6-ին Հայաստանում անցկացված սահմանադրական հանրաքվեի վերաբերյալ:
Ըստ այդ զեկույցի՝ հանրաքվեն չի համապատասխանում Եվրախորհրդի Հանրաքվեների անցկացման լավ պրակտիկայի վերաբերյալ կանոնագրքով (Code of Good Practice on Referendums) սահմանված նորմերին:
Զեկույցում մասնավորապես նշվում է, որ «պաշտոնական արդյունքները միանգամայն պարտադրված են ու կեղծված և չեն արտացոլում Հայաստանի քաղաքացիների կամքը»: «Ուստի, հանրաքվեն և դրա հիման վրա ընդունված փաստաթուղթը կեղծ են:
Դիտորդական առաքելությունը գրանցել է խոշոր չափերի, քվեարկության ժամանակ բազմակի և համատարած խախտումներ և ընտրական խախտումներ, մասնավորապես, դիտորդների, ԶԼՄ-ների ներկայացուցիչների իրավունքների սահմանափակում, քվեարկության գործընթացի խախտում, քվեատուփերի լցոնումներ, քվեների գնում, ֆիզիկական ուժի կիրառում, միևնույն մարդու կողմից մեկ անգամից ավելի քվեարկություն, ձայների հաշվարկման ժամանակ սխալ տվյալների հաղորդում և արդյունքների արձանագրության կեղծում: Ընդհանուր առմամբ գրանցվել է 1080 խախտում»,- ասվում է զեկույցում:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
