Հնարավոր է, որ Մոսկվայում, Սանկտ Պետերբուրգում, Սոչիում և Կրասնոդարում հայկական դպրոցներ բացվեն:
Այս մասին այսօր «Sputnik Արմենիա» միջազգային մամուլի կենտրոնում կազմակերպված Մոսկվա-Երևան-Քիշնև-Աստանա տեսակամրջի ժամանակ ասաց ՌԴ գիտության և կրթության նախարարության միջազգային դեպարտամենտի տնօրեն Նիկոլայ Տայվոնենը: Հարցը դեռևս բանակցությունների փուլում է:
Ինչ վերաբերում է մեր երկրում ռուսերենի դասավանդմանը, ՀՀ կրթության և գիտության նախարարության սփյուռքի և արտաքին կապերի վարչության պետ Տիգրան Սահակյանն ընդգծեց, որ օտար լեզուների շարքում ռուսերենը Հայաստանում առաջին տեղում է. «Բոլոր դպրոցներում երկրորդ դասարանից սկսած արդեն ռուսաց լեզու է ուսուցանվում: Չմոռանանք նաև Հայ-ռուսական (Սլավոնական) համալսարանի և Մոսկվայի պետական համալսարանի մասնաճյուղի մասին»,- նշեց Տ. Սահակյանը:
ՌԴ գիտության և կրթության նախարարության միջազգային դեպարտամենտի տնօրեն Նիկոլայ Տայվոնենի խոսքով՝ 2011-2015 թվականների ընթացքում Ռուսաստանը մոտ 2.9 միլիարդ ռուբլի է հատկացրել ԱՊՀ երկրներում ռուսաց լեզվի զարգացման համար, իսկ 2016-2017 թվականներին նախատեսում է երեք անգամ ավելացնել:
Կարդացեք նաև
Սիրանուշ ՀԱՅՐԱՊԵՏՅԱՆ
