Լրահոս
Օրվա լրահոսը

Հիմնականում ճիշտ ուղղության վրա եք. Էդուարդ Շարմազանովը՝ կառավարությունում փոփոխությունների մասին

Փետրվար 10,2016 19:50

Հանրապետական կուսակցության գործադիր մարմնի նիստից հետո լրագրողները խնդրեցին անդրադառնալ Արմեն Աշոտյանի պաշտոնանկությանը: Էդուարդ Շարմազանովն ասաց, որ Արմեն Աշոտյանն արդեն պատասխանել է հարցին, ինքն ավելացնելու ոչինչ չունի:

Նա հայտարարեց, որ Դաշնակցության հետ իրենց համաձայնությունը ոչ թե զուտ պաշտոնների բաժանման մեխանիկական հարց է, այլ լուրջ քաղաքական, գաղափարական, ծրագրային հիմքերի վերաբերյալ է. «Ես գլխավոր ուղերձն ասացի, էլ ի՞նչ եք ուզում, անուն-ազգանունով եք ուզո՞ւմ: Բոլորին անուն ազգանունով հայրանունով կիմանաք մինչեւ շաբաթվա վերջ: Կարող եմ միայն ասել, որ մամուլում հրապարակված նյութերի մի մասը իրականությանը համապատասխանում է, մի փոքր մասը՝ չի համապատասխանում»:

Նա հավելեց, որ Հանրապետական կուսակցության անդամները կշարունակեն իրենց գործունեությունը՝ մեկը մի ոլորտում, մյուսը՝ այլ:

Հարցին, թե փոփոխությունները միայն կառավարության կազմո՞ւմ են, թե՞ նաեւ մարզերում, նա պատասխանեց, որ բացի կառավարությունից՝ նաեւ մարզերում են փոփոխություններ սպասվում: Սակայն, նա չմանրամասնեց՝ հորդորելով սպասել 2-3 օր. «Անուն-ազգանունների հետ կապված ես այսօր ձեռնպահ կմնամ որեւէ գնահատական տալ, միայն ասեմ, որ հիմնականում դուք ճիշտ ուղղության վրա եք»:

Ամի ՉԻՉԱԿՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2016
Երկ Երե Չոր Հնգ Ուրբ Շաբ Կիր
« Հուն   Մար »
1234567
891011121314
15161718192021
22232425262728
29