Լրահոս
Օրվա լրահոսը

«Ամոթ է ՀՅԴ-ին այսպիսի կարգավիճակով հանդես գալ». Զոյա Թադեւոսյան

Փետրվար 11,2016 22:30

ՀՅԴ-ն, պորտֆելներ վերցնելով, ցանկանում է մասնակցել ՀՀԿ-ի հետ երկրի թալանին ու միջոցներ կուտակել 2017 թվականին Աժ-ում տեղեր ձեռք բերելու խնդիրը լուծելու համար: Նման կարծիք մեզ հետ զրույցում հայտնեց ՀԱԿ անդամ Զոյա Թադեւոսյանը:

«Համագործակցության այն խաղերը, որ անընդհատ քաղաքական դաշտում այս երկու կուսակցությունները տալիս են, արդեն դուրս է եկել լուրջ վերաբերմունքի դաշտից: Չեմ կարծում, որ լուրջ քաղաքական ուժերը կամ ժողովուրդը ձեւավորված իրավիճակին լուրջ են վերաբերում: Իմ շրջապատում մասնավոր զրույցների ժամանակ անընդհատ լսում եմ, որ ամոթ է ՀՅԴ-ին այսպիսի կարգավիճակով հանդես գալ ու անընդհատ սեփական դիրքորոշումները փոխել: Անհարմար է, երբ քաղաքական ուժը ինչ-որ ժամանակահատվածում, երբ ուզում է շահել ժողովրդի համակրանքը, հանդես է գալիս՝ որպես արմատական ընդդիմություն ու լուրջ քննադատության ենթարկում այն ուժին, որի հետ ուզում է այսօր համագործակցել ու ինչ-որ մի պահ, երբ անհրաժեշտ է կուսակցական շահերի հետեւում խիստ նեղ անձնական շահեր բավարարելու խնդիրը լուծել, սկսել կոալիցիա կազմելու մասին խոսակցությունները»,- ասաց Զոյա Թադեւոսյանը:

Ըստ նրա, ՀՅԴ-ն ժողովրդին թալանելու հաշվին փորձում է տեղեր ապահովել Աժ-ում 2017 թվականի ընտրություններից հետո. «Երբ քաղաքական ուժը իր արտահայտած քաղաքական գծի, դիրքորոշումների նկատմամբ հետեւողականություն չի դրսեւորում, կարեւոր նշանակություն ունեցող հարցերին չի ուզում լուծում տալ, հետեւաբար այդքանից հետո ինչպես կարելի է այդ քաղաքական ուժին քննարկել: Անհարմար է, որ տնտեսական ծանրագույն վիճակում գտնվող մեր երկրում ՀՅԴ-ն իր տեղը գտնում է ՀՀԿ-ի հովանու ներքո, մի քաղաքական ուժի, որին հենց այդ նույն ՀՅԴ-ն քննադատել է, բազմաթիվ մեղքերի մեջ է մեղադրել, իսկ այսօր փորձում է այդ մեղքերը կիսել»:

Արփինե ՍԻՄՈՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (2)

Պատասխանել

  1. Հ.Շ. says:

    Շատ հասկնալի է – եւ ընդհանրապէս արդարացի է – որ շատեր, այլազան տեսանկիւններից, քննադատեն ՀՅԴ-ի վերադարձը իշխանութեան կողքին: Խորապէս վիճելի նիւթ մըն է ՀՅԴ-ի այս քայլը:

    Սակայն համայն Հայոց Աշխարհի մէջ եթէ կայ մի ոհմակ որ, քաղաքականօրէն, տրամաբանականօրէն եւ բարոյապէս՝ իրաւասու չէ այս ուղղութեամբ քննադատութիւններ գեղգեղելու, այդ ալ ՀԱԿ կոչեցեալ ՀՀՇ-ի անտանելի վիժուկն է: Որովհետեւ ՀՅԴ-ն իր այժմու վիճակին մատնուած է հենց ՀՀՇ-ի պատճառով:

    Մ. Հայդուկ Շամլեան, Գանատա

  2. Մեսրոպ Թումանյան says:

    Ինչպիսի՞ բառեր. Ոհմա՜կ, վիժու՜կ…
    Անունդ էլ հայդուկ…
    Իրար վիրավորելն ու անպատվելը, այն էլ համացանցում, դժվար չէ: Իսկ չես մտածու՞մ, որ թշնամություն ես սերմանում ու տարածում:
    Նման դեպքերում գլուխս եկած առաջին միտքն այն է, որ այդպես գրողները այլ ժողովրդի ներկայացուցիչ են, թշնամի ժողովրդի:
    Աստված հետդ: Քեզ բարի բանականություն:

Պատասխանել

Օրացույց
Փետրվար 2016
Երկ Երե Չոր Հնգ Ուրբ Շաբ Կիր
« Հուն   Մար »
1234567
891011121314
15161718192021
22232425262728
29