Լրահոս
Օրվա լրահոսը

Արծվիկ Մինասյան. «Պատասխանատվությունը պետք է լինի ամբողջական». «Հայկական ժամանակ»

Փետրվար 12,2016 11:16

Դաշնակցական պատգամավոր Արծվիկ Մինասյանը երեկ հրաժարվեց պատասխանել իր՝ նախարար նշանակվելու վերաբերյալ որեւէ հարցի։

– Պարոն Մինասյան, չե՞ք վախենում սոցիալ-տնտեսական այս ճգնաժամային իրավիճակում ՀՀԿ-ի հետ կառավարություն կազմելուց եւ պատասխանատվություն ստանձնելուց, հատկապես որ իշխանությունն անցած տարիներին այդ ճգնաժամից դուրս գալուն ուղղված բարեփոխումներ չի իրականացրել։

– ՀՅԴ-ն երբեք չի խուսափել, չի վախեցել ծանր վիճակից։ Մենք հայտնել ենք մեր պատրաստակամությունն ու պատասխանատվությունը միասին ստանձնելու, երկիրն այս վիճակից դուրս բերելու բեռը։ Դա առաջին հերթին վերաբերում է մեր ժողովրդի այսօրվա սոցիալ-հոգեբանական պայմաններին։ Պետք է դրական սպասումներ ձեւավորել ապագայի նկատմամբ ու ձեւավորել քայլեր, որոնք կարդարացնեն այդ սպասումները։

– Դուք նախորդ համագործակցության նման պատասխանատու եք լինելու միայն ձեր ստանձնած ոլորտների՞ համար, թե՞ ՀՀԿ-ի հետ հավասարապես կիսելու եք կառավարության գործունեության ողջ պատասխանատվությունը։

– Համագործակցության շրջանակները շատ լայն են եւ ընդգրկում են քաղաքական, սոցիալ-տնտեսական, մշակութային ու հասարակության կյանքի բոլոր ոլորտները, եւ բնական է, որ պատասխանատվությունը պետք է լինի ամբողջական։

– Իսկ ունե՞ք նաեւ այն հեռանկարը, որ կարող է նորից անհամաձայնություն առաջանալ ու նորից դադարեցնեք ՀՀԿ-ի հետ համագործակցությունը, ինչպես 2009-ին։

– Ռազմավարական մակարդակով մեր խորքային համագործակցությունը չի ենթադրում կարճաժամկետ համագործակցություն։ Այն երկարաժամկետին միտված գործողություն է։

Արմինե ԱՎԵՏՅԱՆ

Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2016
Երկ Երե Չոր Հնգ Ուրբ Շաբ Կիր
« Հուն   Մար »
1234567
891011121314
15161718192021
22232425262728
29