Լրահոս
Օրվա լրահոսը

Ժիրայր Սեֆիլյանը Սերժ Սարգսյանին սպառված անձնավորություն անվանեց. (Տեսանյութ)

Փետրվար 15,2016 21:25

Փոփոխության բանալին մեր ձեռքում է, ոչ թե Սերժ Սարգսյանի: Սերժ Սարգսյանի վերջին ելույթին անդրադառնալով նման կարծիք հայտնեց Ընդդիմության միասնական շտաբի պետ Ժիրայր Սեֆիլյանը:

«Կոռուպցիայից խոսում է մի անձնավորություն, որը ոտքից գլուխ թաղված է կոռուպցիայի մեջ: Ո՞վ չգիտի Սերժ Սարգսյանի ու նրա շրջապատի կենսագրությունը, նրա այդ խոսքը ժողովրդին ուղղված չէր, պարզապես կանչել էր իր ենթականերին ու ասում էր՝ խելոք կմնաք ձեր տեղում, ես եմ ու վերջ»,- ասաց Ժիրայր Սեֆիլյանը:

Ըստ նրա, դեկտեմբերի 6-ի նոր Սահմանադրության պարտադրմամբ Սերժ Սարգսյանն ունեցել է մի նպատակ. «Հավերժացնել իր իշխանությունը, եւ նրա բոլոր ելույթները այդ տրամաբանության մեջ պետք է դիտարկել: Իր բուրգում վիճակը հանգիստ չէ, խլրտոցներ կան՝ արդյոք այս դիկտատորը պետք է կարողանա իրականացնել իր առջեւ դրված ծրագրերը: Այդ է պատճառը, որ դեկտեմբերի վեցից առ այսօր նա ելույթներ է ունենում՝ նպատակ ունենալով ներքին լսարանին հանգստացնել, որ ինքը հավերժ մնալու է: Այդ ելույթները նպատակ ունեն նաեւ միջազգային հանրությանը հասկացնել, որ իրենից պահանջվող փոփոխությունները ինքը խոստանում է, որ կանի,եթե հեղափոխություն է պետք, ինքը կանի. խնդրում եմ ես մնամ, մենակ մնամ: Իսկ այդ գործչի ելույթը մինչեւ վերջ չեմ կարողացել լսել, որովհետեւ զավեշտալի մի կերպար է դարձել, սպառված անձնավորություն է, դժվար է մինչեւ վերջ լսել սպառված մի գործչի»:

Արփինե ՍԻՄՈՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2016
Երկ Երե Չոր Հնգ Ուրբ Շաբ Կիր
« Հուն   Մար »
1234567
891011121314
15161718192021
22232425262728
29