«Հայաստանը, ինչպես եւ Միացյալ Թագավորությունը, միացել է միջազգային, այդ թվում՝ ՄԱԿ-ի տարբեր համաձայնագրերին եւ պարտավորություններին: Մենք հասկանում ենք, թե որոնք են դրանք: Մարդու իրավունքների պաշտպանի ինստիտուտը շատ կարեւոր ենք համարում ցանկացած երկրում, այդ թվում՝ Հայաստանում»,-Aravot.am-ի հետ զրույցում ասաց ՀՀ-ում Մեծ Բրիտանիայի դեսպան Ջուդիթ Ֆարնուորթը՝ անդրադառնալով ՀՀ-ում Մարդու իրավունքների ինստիտուտի կայացման հարցին: Մինչեւ Կարեն Անդրեասյանի հրաժարականը՝ Ֆարնուորթը նշել է, որ Մեծ Բրիտանիան մշտապես հետեւում է մարդու իրավունքների ոլորտում Հայաստանի Օմբուդսմենի գործունեությանը:
«Ես եւ ինձ նախորդած դեսպանները սերտորեն գործակցել ենք ՀՀ Մարդու իրավունքների պաշտպանի հետ եւ ես պատրաստ եմ շարունակելու այդ համագործակցությունը»,-ասաց դեսպանը՝ հավելելով, որ Հայաստանում մարդու իրավունքների վիճակի գնահատման ամենաարդյունավետ մեխանիզմներից է ՄԱԿ-ի շրջանակներում իրականացվող համընդհանուր պարբերական գնահատումը. «Դրանում նշվում են մարդու իրավունքների հետ կապված խնդիրները: Նույնն արվում է նաեւ Հայաստանի պարագայում»:
Հիշեցնենք, որ Մարդու իրավունքների պաշտպանի ՀՀԿ թեկնածուի՝ Արման Թաթոյանի թեկնածությունը կներկայացվի ԱԺ լիագումար նիստի քննարկմանը: Դեսպան Ֆարնուորթն այսօր ներկա էր Բրիտանական ֆիլմերի 14-րդ փառատոնի բացմանը:
Լուիզա ՍՈՒՔԻԱՍՅԱՆ
Կարդացեք նաև
