Օրերս Ազգային ժողովի ճեպազրույցների ժամանակ ՀՅԴ խմբակցության ղեկավար Արմեն Ռուստամյանը հայտարարեց, որ Հայաստանում քաղբանտարկյալ չկա եւ չի եղել, բացի իրենցից: Խոսելով Վարդգես Գասպարիի դեպքի մասին՝ Արմեն Ռուստամյանը նշել է, որ Եվրոպայի խորհրդում չափորոշիչներ կան, դա պետք է գնահատեն անաչառ մասնագետները, ոչ թե քաղաքական գնահատականներ տան ու եթե այդ չափանիշներին համապատասխանի, քաղբանտարկյալ կհամարվի:
Այսօր «Բլից ինֆո» մամուլի ակումբում լրագրողների հետ հանդիպման ընթացքում անդրադառնալով այս հայտարարությանը, ԱԺ ՀԱԿ խմբակցության քարտուղար Արամ Մանուկյանն այն որակեց անլուրջ եւ անպատասխանատու. «Առնվազն 145 հոգի քաղբանտարկյալներ մենք մարտի 1-ից հետո ունեցանք, որոնց գործերի մի մասը Եվրոպական դատարանում է, մի մասն էլ ընթացքի մեջ է»:
Արամ Մանուկյանը վստահ է, որ առաջիկա տարիներին շատ լուրջ պատասխաններ կլինեն ՄԻԵԴ-ից այս գործերով. «Հայտարարությունն ազնիվ չէ, մեղմ ասած: Ազնիվ չէ բոլոր այն քաղբանտարկյալների նկատմամբ, որոնք տարիներ շարունակ անցկացրեցին բանտերում»:
Նա նշեց, որ այդպիսի հայտարարությունն ազնիվ չէ նաեւ այն մարդկանց նկատմամբ, որոնք այսօր բանտում են. «Գեւորգ Սաֆարյան, Շանթ Հարությունյան, Վարդգես Գասպարի, Հայկ Կյուրեղյան, ազնիվ չէ»:
Կարդացեք նաև
Աշոտ ԻՍՐԱԵԼՅԱՆ
Г Манукян , поверьте, сегодня рейтинг АРФД достаточно высок! Лично Вас и Багратяна я бы хотел увидеть в следующем парламенте, но боюсь, что АНК не пройдет.