Լրահոս
Օրվա լրահոսը

Էդուարդ Շարմազանովը մասնակցել է «Քրիստոնյա ժողովուրդների ցեղասպանությունը Օսմանյան և Քեմալական Թուրքիայում» խորագրով միջազգային համաժողովին

Փետրվար 29,2016 19:21

Փետրվարի 24-26-ը կայացավ ՀՀ Ազգային ժողովի փոխնախագահ Էդուարդ Շարմազանովի աշխատանքային այցը Բեռլին:

Փետրվարի 25-ին նա մասնակցեց Բոխումի համալսարանի Սփյուռքի և ցեղասպանության հարցերով ինստիտուտի և Բեռլինի Հումբոլդտի անվան համալսարանի համատեղ ջանքերով կազմակերպված «Քրիստոնյա ժողովուրդների ցեղասպանությունը Օսմանյան և Քեմալական Թուրքիայում» խորագրով միջազգային համաժողովին:

Բոխումի համալսարանի սփյուռքի և ցեղասպանության հարցերով ինստիտուտի տնօրեն Մ.Դաբաղի և Հումբոլդտի համալսարանի պրոֆեսոր Վ.Ֆոսի ողջույնի խոսքերից հետո Էդուարդ Շարմազանովը հանդես եկավ ծավալուն ելույթով:

Այցի շրջանակներում ՀՀ ԱԺ փոխնախագահը և Գերմանիայում ՀՀ դեսպան Աշոտ Սմբատյանը հանդիպումներ ունեցան ԳԴՀ ԱԳՆ Արևելյան Եվրոպայի, Հարավային Կովկասի և Կենտրոնական Ասիայի հարցերով հանձնակատար Անդրեաս Պեշկեի և ԳԴՀ Բունդեսթագի փոխնախագահ Էդելգարդ Բուլմանի հետ: Հանդիպումների ընթացքում կողմերը քննարկեցին հայ-գերմանական քաղաքական երկխոսությանը, տնտեսական, մշակութային և գիտակրթական ոլորտներում փոխգործակցությանն առնչվող հարցերի լայն շրջանակ: Հատուկ նշվեց երկու երկրների խորհրդարանականների միջև կապերն ամրացնելու և փոխադարձ այցելություններն ինտենսիվացնելու կարևորությունը:

ՀՀ ԱԳՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2016
Երկ Երե Չոր Հնգ Ուրբ Շաբ Կիր
« Հուն   Մար »
1234567
891011121314
15161718192021
22232425262728
29