Լրահոս
Օրվա լրահոսը

Դավիթ Լոքյանը ներկայացրեց նորանշանակ մարզպետ Հովսեփ Սիմոնյանին

Մարտ 04,2016 21:42

Մարտի 4-ին ՀՀ Շիրակի նորանշանակ մարզպետ Հովսեփ Սիմոնյանն աշխատանքային հանդիպում ունեցավ մարզպետարանի աշխատակազմի հետ: Հովսեփ Սիմոնյանը ողջունեց իր գործընկերներին ում հետ 16 տարի աշխատել են, տեղեկացրեց, որ որոշումը քաղաքական է և այն ունի մեկ կարևոր նպատակ` մարզում իրականացնել սոցիալ-տնտեսական բարեփոխումներին նվիրված այնպիսի ծրագրեր, որ բնակիչները զգան փոփոխությունը և զգան դեպի լավը: Կադրային փոփոխության հետ կապված, կրկին շեշտեց, որ շարունակելու է աշխատել աշխատակազմի հետ, սակայն նրանք ովքեր չեն բավարարի պահանջները, կասեն ցտեսություն:

Արդեն կեսօրին ՀՀ Շիրակի մարզպետարանի նիստերի դահլիճում, ՀՀ Տարածքային կառավարման և զարգացման նախարար Դավիթ Լոքյանը ներկայացրեց նորանշանակ մարզպետ Հովսեփ Սիմոնյանին: Պարոն Լոքյանը ևս նշեց, որ պարոն Սիմոնյանը նոր մարդ չէ ոչ քաղաքական դաշտում, ոչ էլ առավել ևս մարզպետարանում, և հույս հայտնեց, որ կարվի ամեն ինչ մարզում տեսանելի բարեփոխումների գործընթաց իրականացնելու ուղղությամբ և, որպես ասածի հիմնավորում խոստացավ ամիսը մեկ անգամ գալ մարզ և տեղում հետևել իրականացվող աշխատանքների ընթացքին:

Քաղաքական դաշտում, ըստ նախարարի, այս փոփոխությունների իրականացումը կնպաստի մարզերում տնտեսության զարգացմանը: Նորանշանակ մարզպետ Հովսեփ Սիմոնյանն էլ իր հերթին ասել է, որ ծանոթ է մարզում առկա խնդիրներին և պատրաստվում է ըստ առաջնահերթության լուծում տալ դրաց: Արդեն մարզպետի աշխատասենյակում նախարարն առանձնազրույց ունեցավ մարզի երեք քաղաքների քաղաքապետերի և մարզից ընտրված ԱԺ պատգամավորների հետ: Հանդիպման ավարտին պարոն մարզպետը պատասխանեց լրագրողների հարցերին, հավաստիացնելով, որ մեկ շաբաթ անց արդեն ասելիք կունենա:

Շիրակի մարզպետարան

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2016
Երկ Երե Չոր Հնգ Ուրբ Շաբ Կիր
« Փետ   Ապր »
 123456
78910111213
14151617181920
21222324252627
28293031