«Սա Թուրքիայում խոսքի ազատության հետ կապված հերթական անհանգստացնող զարգացումն է։ Բազմակարծությունը լրատվամիջոցներում եւ անկախ ու դիվերսիֆիկացված աղբյուրների մատչելիությունը ժողովրդավարության անկյունաքարերից է»,- այս հայտարարությունն այսօր արել է Եվրոպայի խորհրդի խորհրդարանական վեհաժողովի նախագահ Պեդրո Ագրամունտը։
Նշենք, որ Ստամբուլի դատարանը երեկ նշանակել է հոգաբարձուների խորհուրդ, որը պետք է ստանձնի «Feza Media Group»-ի կառավարումը։ Այս կազմակերպությունում է ներառված Թուրքիայի ամենաշատ վաճառված թերթը՝ «Zaman Daily»-ն, «Today’s Zaman»-ը եւ «Cihan» լրատվական գործակալությունը։
ԵԽԽՎ նախագահը Թուրքիայի իշխանություններին կոչ է արել ձեռնարկել բոլոր անհրաժեշտ քայլերը որպեսզի վերացնի այդ ավելորդ սահմանափակումների հետեւանքը եւ զերծ մնա խոսքի ազատության հետագա սահմանափակումից եւ քննադատական ձայները լռեցնելուց։ Նա նաեւ ընդգծել է, որ սա Եվրոպայի խորհրդի ժողովրդավարական չափանիշների հիմնական պահանջներից է։
Պատրաստեց Աշոտ ԻՍՐԱԵԼՅԱՆԸ
Կարդացեք նաև
