Լրահոս
Օրվա լրահոսը

75-ամյա ծեր մարդը տարիներով ապրում է առանց գազի, հոսանքի, թոշակի եւ նպաստի

Մարտ 07,2016 19:33

Իջեւանի քաղաքի կենտրոնում գտնվող մի սենյականոց բնակարանում ապրում է 75-ամյա Դ. Կարապետյանը: Նրա տան դուռը մշտապես փակ է: Նրա դրկից  հարեւանները մեզ պատմեցին, որ Դ. Կարապետյանը գերազանցությամբ ավարտել է Երեւանի պոլիտեխնիկ ինստիտուտը, Իջեւանում աշխատանքի անցել: Հետո հիվանդացել է շիզոֆրենիա հիվանդությամբ, իսկ 1990թ. մահացել է նրամայրը:

Հարեւանուհիները հայտնեցին, որ արդեն 3 տարի Դ. Կարապետյանը էլեկտրական հոսանք, բնական գազ չունի: Զարմանալի է՝ ծեր մարդն առանց ջեռուցման ինչպե՞ս է դիմացել ձմռանը: Հարեւանների խոսքերով՝ Իջեւանի սոցիալական ծառայությունը պատրաստակամ էր աջակցել Դ.-ին, վերջինս  նախկինում ընտանեկան նպաստ է ստացել, սակայն քանի որ  հայկական անձնագիր չունի, զրկվել է նպաստից: Հարեւանուհիներն ասացին, որ խորհրդային անձնագիրը հայկականով փոխելու համար հարկ կլինի Դ.-ին լուսանկարել, ինչը շիզոֆրենիայով հիվանդի պարագայում դժվար կլինի:

IMG_0118

Հարեւանուհին հայտնեց, որ Դ. Կարապետյանի ամիսներով կուտակված, չվճարված կենսաթոշակի գումարը՝ մոտ 500 հազար դրամ, 2 տարի առաջ Իջեւանից ետ է ուղարկվել: Հարեւանների ընտանիքն ամեն օր 2 թեյնիկ եռացրած ջուր է տալիս Դ.-ին, իրենց ունեցած սննդից բաժին հանում նրան: Սնունդով տոպրակը կախում են  բնակարանի դռան բռնակից, թեյնիկը դնում դռան առաջ: Հիվանդին սննդով աջակցում են նաեւ մյուս հարեւանները: Մոտ մեկ տարի առաջ կուրացած, չլսող Դ.-ն  բացում է բնակարանի դուռը՝ վերցնում է սնունդը ու ջուրը: Հարեւանուհին ասաց, որ երբեւէ չամուսնացած, ընտանիք չունեցող հոգեկան հիվանդի պատճառով իրենք ամբողջ կյանքում հանգիստ չեն ունեցել, նա միշտ գիշերվա ժամը 3-ին գոռացել է, փայտով հարվածել պատին, հաճախ ծեծել իրենց դուռը:

Հարեւանները հարցրին, թե մեր հրապարակումը կօգնի՞, որ Դ. Կարապետյանի խնդիրները լուծվեն: Իջեւանի քաղաքապետ Վարդան Ղալումյանին հարցրինք՝ քաղաքապետարանը ինչո՞վ է օգնել հիվանդին: Քաղաքապետն ասաց, որ մի քանի անգամ նրան դրամական օգնություն են ցուցաբերել , նախկինում, երբ նրա տան էլեկտրական հոսանքը անջատել են, իրենք գումար են տվել, վերականգնել էլեկտրամատակարարումը:

Ոսկան ՍԱՐԳՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (1)

Պատասխանել

  1. Տիգրան says:

    Մարդը չի տեսնում, չի լսում, հոգեկան խնդիրներ ունի, իսկ քաղաքապետարանը հոսանքի փող ա տալիս… որ ի՞նչ… կարում ե՞ք, ընենց օգնեք, որ իմաստ ունենա ձեր օգնությունը, ոչ թե ստից անուն հանեք….անձնագիր տվեք, նպաստ տվեք, օգնական կցեք…. թե շատ կլինի, էդքան փող չունեք, բա դուք ինչ ուտեք, հա՞….

Պատասխանել

Օրացույց
Մարտ 2016
Երկ Երե Չոր Հնգ Ուրբ Շաբ Կիր
« Փետ   Ապր »
 123456
78910111213
14151617181920
21222324252627
28293031