Լրահոս
Օրվա լրահոսը

«Մեկը՝ ազգի բարերար, մեկը՝ իբրեւ ազգի փրկիչ, հիմա էլ մենք ունենում ենք ազգի քաղբանտարկյալ». Անուշ Սեդրակյան

Մարտ 07,2016 21:07

«Դա հավակնոտ հայտարարություն է: Ընդհանրապես չի կարելի, որ որեւէ կուսակցություն իր վրա վերցնի կամ ազգի փրկչի դափնին, կամ ազգի բարերարի դափնին: Պարբերաբար որոշակի քաղաքական ուժեր վերցնում են իրենց վրա այդ դափնին: Մեկը հանդես է գալիս իբրեւ ազգի բարերար, մեկը՝ իբրեւ ազգի փրկիչ: Հիմա էլ մենք ունենում ենք ազգի քաղբանտարկյալ: Դա այդպես չէ, որովհետեւ քաղաքական բանտարկության իրավաբանական կողմը մի կող դրած՝ կա մարդկային, քաղաքացիական եւ գաղափարական կողմը: Եթե մարդն իր քաղաքական հայացքների համար քաղաքացիական շրջանակներում ընդվզում է եւ դրա համար կիրառում են անհամաչափ պատիժներ, մենք կարող ենք խոսել քաղբանտարկյալների մասին»,- Aravot.am-ի հետ զրույցում «Ազատ դեմոկրատներ» կուսակցության փոխնախագահ Անուշ Սեդրակյանն այսպես մեկնաբանեց ՀՅԴ խմբակցության ղեկավար Արմեն Ռուստամյանի հայտարարությունը, որ իրենցից բացի քաղբանտարկյալներ ՀՀ-ում չեն եղել:

Ըստ տիկին Սեդրակյանի, ճիշտ է, Գասպարիի կալանավորումը կարճ տեւեց, բայց պարզ է, որ քաղաքական հայացքների համար էր դա. «Էլ չեմ ասում Մարտի 1-ի մասին, երբ մարդիկ ակնհայտորեն իրենց քաղաքական հայացքների համար նետվեցին բանտ, մնացին այնտեղ: Ես նաեւ Շանթ Հարությունյանի անունն եմ ուզում տալ: Չի կարելի մենաշնորհել դա: ՀՀ-ում մենաշնորհների գաղափարն այնքան է զարգացել, որ տարածվում է նաեւ քաղաքականության վրա»:

Հռիփսիմե ՋԵԲԵՋՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (1)

Պատասխանել

  1. Հ.Շ. says:

    Կայ մի տարօրինակ ըմբռնողութիւն, ըստ որի, երբ որ մի անձ քաղաքական բողոք է արտայայտում, այդ պահին, ան յատուկ անձեռնմխելիութիւն մը ունի, արտակարգ եւ մանաւանդ անսահման «իմունիտետ» մը կը վայելէ, «սովորական» Օրէնքի նկատմամբ: Եւ հետեւաբար, կարող է ան ինքն իրեն թոյլ տալ որեւէ վերաբերմունք կամ արարք, առանց երբեւիցէ ենթարկվելու անոնց օրինական, տարրական իսկ հետեւանքներին:

    Իսկ մի բան ել՝ Արմեն Ռուստամյանի ըսածը եւս լիովին ճիշդ չէ: Անոնք ալ, էն մթին վախտը, քաղբանտարկյալներ չէին, բառին լուրջ, իսկական եւ ամբողջական իմաստով:

    Եթէ մի հատ ստուգենք թէ ինչ վիճակի մէջ են այլ երկիրներում իսկական քաղբանտարկյալները, ուղղակի ամաչելու ենք՝ այդ բառը այսքան աժանօրէն գործածելու…

Պատասխանել

Օրացույց
Մարտ 2016
Երկ Երե Չոր Հնգ Ուրբ Շաբ Կիր
« Փետ   Ապր »
 123456
78910111213
14151617181920
21222324252627
28293031