25 տարի հանրակացարանում բնակվելուց հետո Ադրբեջանից 1988-1992 թվականներին բռնագաղթած եւ ՀՀ քաղաքացիություն ստացած Անահիտ Սուրենի Առուստամյանը, Էլմիրա Արշակի Շուրիգինան, Յանա Յուրիի Շուրիգինան սեփական տուն կունենան, ավելի ճիշտ` սենյակ:
Կառավարությունը որոշել է Երեւանի Մոլդովական 70 հասցեի հանրակացարանի թիվ 2 մասնաշենքի եւ Կոտայքի մարզի Աբովյան քաղաքի «Աբովյանի ճարտարագիտական քոլեջ» ՊՈԱԿ-ի հանրակացարանի սենյակները, որտեղ վերանշյալ քաղաքացիները բնակվում են 1988-ից ի վեր, սեփականաշնորհել այդ բնակիչներին: Այս մասին տեղեկանում ենք կառավարության նիստի մարտի 10-ի օրակարգից:
Ըստ նախագծի, բնակիչների հետ կկնքվի նվիրատվության պայմանագրեր՝ դրանցում նախատեսելով, որ պայմանագրի եւ պայմանագրից բխող գույքային իրավունքների պետական գրանցման ծախսերը թողնելով նվիրառու բնակիչների միջոցների հաշվին:
Հարցը, մարտի 10-ի վարչապետ Հովիկ Աբրահամյանին կներկայացնի պետգույքի կառավարման վարչության ղեկավար Արման Սահակյանը:
Լուսինե ԲՈՒԴԱՂՅԱՆ
